Zrorat mandon ki madad krnay say umer berhty hai, tehqeeq
Zrorat mandon ki madad krnay say umer berhty hai, tehqeeq, Germany , Holland aur America ke mahireen ney 34 mumalik mein mushtarqa tahaqeeq karne ke baad daryaft kya hai ke jo log zaroorat mandoon ki madad karte rehtay hain woh nah sirf lambi Umar paate hain balkay un ki umomi sahet bhi behtar rehti hai .
is tahaqeeq mein insani sahet aur Umar ka insani royyon ke sath talluq maloom karne ki koshish ki gayi thi. aik dosray ki madad ya taawun bahami ka rawayya koi ajeeb o ghareeb nahi balkay yeh chyontyon se le kar hathion taq mein paaya jata hai. yani hum keh satke hain ke aik dosray ki madad karne ka jazba hamari fitrat mein shaamil hai .
Albata , yeh mahireen janna chahtay they ke insani maashron mein, jahan aapas mein taawun se ziyada muqablay ka rujhan hai, yeh trzِ amal kis noiyat ka hai aur is se infiradi satah par kya faida pohanchana hai .
is maqsad ke liye unhon naay mukhtalif mumalik mein zaroorat mandoon ki madad aur taawun bahami ke barey mein kiye gaye mtalaat aur tehqiqaat ko khangalna shuru kya. taweel tahaqeeq ke baad wazeh nataij un ke samnay they :
” is se koi farq nahi parta ke aap ghareeb hain ya Ameer , lekin agar aap zaroorat mandoon ki madad karne ka mizaaj rakhtay hain to mumkina tor par aap ki Umar taweel hogi jabkay sahet achi rehne ka imkaan bhi roshan hai.’ ‘
Japan aur France mein imdaad bahami ki sharah sab se ziyada dekhi gayi lekin sath hi sath umomi sahet aur Umar bhi ziyada mushahiday mein aayi .
turkey aur cheen mein yeh maamla ost par raha jabkay janoobi Africa mein, jo –apne parosi mumalik se ziyada khushaal bhi hai, Umar kam aur nagehani amwaat ki sharah ziyada thi jabkay wahan aik dosray ki madad karne ka jazba sab se kam dekha gaya .
is tahaqeeq mein yeh bhi wazeh kya gaya hai ke aik dosray ki madad karne ka matlab sirf maali imdaad nahi balkay is mein aik dosray ka khayaal rakhnay, haal chaal puchhte rehne aur chhootay chhootay kamon mein haath btane jaisay chhootay chhootay iqdamaat bhi barri ahmiyat rakhtay hain .
