woh aadat jo dil ke doray ke waqt marnay se bacha sakti hai
woh aadat jo dil ke doray ke waqt marnay se bacha sakti hai, amraaz qalb mein mubtala rehna khatray ki aik ghanti hai jo har waqt bajti rehti hai, kisi bhi waqt dil ka dora parsakta hai jo jaan lewa bhi saabit ho sakta hai, taham aik baqaida aadat dil ka dora parney par zindagi bachanay mein madadgaar saabit hosakti hai .
mahireen tib ka kehna hai ke heart attack is waqt hota hai jab dil ki janib jane walay douran khoon bock hojaye, jis ke baad muscles ke tissues oxygen se mahroom ho jatay hain jis se dil ko nuqsaan pohanchana hai .
mahireen tib ke mutabiq aisa heart attack jo mout ka baais banay, is mein dil ko itna nuqsaan pahonch jata hai ke dil ki dharkan ghair mustahkam ho jati hai aur batadreej hamesha ke liye tham jati hai .
dil ki yeh ghair mustahkam dharkan oxygen ki kami ka nateeja hoti hai jo ke dil ke nichale se hissay shuru hoti hai aur jab aisa hota hai to dil mein bohat ziyada halchal peda hoti hai, taham mutharrak tarz zindagi kisi heart attack se fori mout ka khatrah kam kar sakti hai .
haal hi mein ki jane wali aik nai tehqeeq se pata chala ke heart attack se achanak mout un afraad mein ziyada aam hoti hai jo jismani tor par sust hotay hain ya werzish nahi karte .
mahireen ka kehna hai ke duniya bhar mein sab se ziyada amwaat amraaz qalb ke baais hoti hain, taham mutharrak tarz zindagi se amraaz qalb ki rokkk thaam ki ja sakti hai .
mazkoorah tehqeeq mein mutharrak tarz zindagi ka mawazna sust tarz zindagi se kya gaya taakay yeh maloom kya jasakay ke achanak heart attack se jism par kya asraat muratab hotay hain. is maqsad ke liye Europe mein honay wali 10 tehqeeqi reports ke data ko istemaal kya gaya .
mohqiqeen ne daryaft kya ke jismani tor par ziyada mutharrak rehna heart attack se fori aur 28 din ke andar mout ka khatrah kam karta hai .
tehqeeq mein bataya gaya ke jo log motadil aur sakht jismani sar garmion ko aadat banatay hain un mein heart attack se fori mout ka khatrah sust tarz zindagi walay afraad ke muqablay mein bal tarteeb 33 aur 45 feesad tak kam hota hai .
mohqiqeen ne bataya ke werzish ya jismani sar garmion ke zariye heart attack se mout ke khatray ko kam kya ja sakta hai .
