werzish ki badolat, pathay azkhud soozish ke nuqsanaat kam karte hain
werzish ki badolat, pathay azkhud soozish ke nuqsanaat kam karte hain, diyook university ke bio medical anjiniyron ne aik model ki badolat dekhaya hai ke agar werzish jari rakhi jaye to pathon ( muscles ) mein androoni inthan aur soozish se honay walay nuqsaan ka azaala bhi ho sakta hai .
werzish ke jismani, dimaghi aur nafsiati fawaid hum bayan karte rahay hain. lekin ab science danon ne tajurbah gaah mein ugaye gaye insani pathon ke khaliyaat se apni noiyat ka nadeedah pehlo zahir kya hai. is ki tafseelaat science advance Nami journal mein 22 January ko shaya ki gayi hain .
werzish ke douran badan mein bohat si tabdeelian jari rehti hain. bilkhushoos pathon ke andar azlaat, bafton aur khaliyaat ke andar honay walay awamil se hum be khabar rehtay hain. is ke liye aik saada model banaya gaya hai jis mein bio enjeering ki badolat insani pathon ke khaliyaat banaye gaye hain. is tehqeeq se maloom hwa hai ke insani pathon ke khaliyaat werzish ya aisi hi kisi sargarmi ke baad androoni jalan aur soozish se honay walay nuqsaan ka azkhud azaala kar saktay hain .
taham soozish apni noiyat mein achi ya buri nahi hoti balkay chout ke baad ki soozish jismani murammat karti hai lekin bohat dafaa insani amniyati nizaam azkhud sargaram hojata hai aur bila waja jismani androoni jalan peda hoti hai jo bohat nuqsandah hoti hai. gathia ka dard is ki sab se behtareen misaal hai jis mein androoni soozish bila waja peda hoti hai .
mahireen ne tajurbah gaah mein pathon ka jo model banaya hai is mein das saal ki mehnat sirf hui hai. unhon ne note kya hai ke werzish barahay raast pathon ke azlaat ko androoni jalan ke muzar asrat ko chunn chunn kar khatam karne qabil banati hai .
