wazan mein sirf 5 feesad kami bhi diabetes se bacha sakty hai,
wazan mein sirf 5 feesad kami bhi diabetes se bacha sakty hai,America mein ki gayi aik wasee tehqeeq se maloom hwa hai ke wazan mein sirf 5 feesad kami karkay diabities mein mubtala honay ka khatrah barri had tak khatam kya ja sakta hai .
is tehqeeq ke liye taqreeban 24 hazaar mukhtalif al-nasal americion ki sehat se mutaliq adaad o shumaar istemaal kiye gaye jo 2001 se 2016 ke douran, do barray mtalaat ke douran jama kiye gaye thay .
” misa’ ‘ ( mesa ) aur’ ‘ nenz ‘ ‘ ( nhanes ) ke unwan se yeh dono mtalaat bal tarteeb 1999 aur 2000 mein shuru hue, jo aaj tak jari hain .
mazkoorah tehqeeq mein jahan yeh maloom hwa ke zayed wazan ( over weight ) aur motay afraad ke type 2 diabities mein mubtala honay ki sharah numaya tor par ziyada hai, wohi yeh bhi pata chala jo log apna wazan sirf 5 feesad kam karne mein kamyaab hue, un ki barri tadaad diabities se mehfooz rahi .
wazeh rahay ke motapay ko diabities samait darjanon amraaz ki jarr qarar diya jata hai .
yeh bhi padhiye :
– diabities ki dawa se motapay mein kami ke tajarbaat kamyaab
–diabities se qabal ki 6 aqsam daryaft
– diabities : taaruf, ahthyat aur ilaaj
– diabities ke mareezon mein taizi se izafah, Pakistan chouthay number par agaya
– diabities ki aam dawa se deminshiya ka khatrah bhi kam hojata hai, tehqeeq
– tanhai diabities aur deegar amraaz ki wajah ban sakti hai
pichlle kayi saal se tbbi mahireen musalsal zor day rahay hain ke rozana bees se pachees minute paidal chal kar, munasib werzish karkay, mutawazan ghiza istemaal karkay, aur doosri sehat bakhash adaten apna kar motapay ke sath sath aisi kayi bimarion par bhi qaboo paaya ja sakta hai jo motapay ki wajah se la-haq hoti hain .
taaza tehqeeq se is zimn mein wazan kam karne ki ahmiyat bhi ujagar hui hai .
” motapay ki wajah se diabities ke boojh ki shiddat jaan kar hum heran reh gaye. diabities ke naye mareezon mein aik tahai se nisf tak mein is bemari ki wajah motapa dekha gaya hai,’ ‘ dr sadia s Khan ne kaha, jo alyonay ki north western university ke fieberg school of medicine mein assistant professor aur mazkoorah tehqeeq ki markazi maahir bhi hain .
is tehqeeq se yeh bhi maloom hwa ke America mein diabities ke aksar mareezon ka talluq Mutwast aur ghareeb tabqay se hai jisay kam tar darjay ki tbbi sahuliyaat muyassar hain jabkay woh ghair sehat bakhash mahol mein reh rahay hain .
yeh Amrici muashray ke woh tabqaat hain jo ghair haspanwi siyah faam aur makseen naslon par mushtamil hain aur isi wajah se inhen hamesha America mein nasli taasub ka saamna rehta hai .
