walida ke fridge se 10 saal purani laash bar aamad honay par beta pareshan
America mein 1 shakhs apni walida ki mout ke baad un ke ghar se un ka samaan semathnay pouncha to freezer mein se aik laash bar aamad hui .
yeh waqea Amrici shehar New York mein paish aaya, police naay mazkoorah shakhs aur is ki walida ka naam zahir nahi kya .
police ka kehna hai ke mazkoorah shakhs apni walida ki mout ke baad un ke ghar pouncha taakay maalik makaan se hisaab kitaab kar sakay aur apni walida ka samaan samaitt sakay .
taham is waqt woh nihayat khaufzadah hogaya jab is naay freezer mein aik laash dekhi jis ke baad is naay police ko cal ki, fridge ko tape se sale kya gaya tha .
police ka kehna hai ke ibtidayi tor par laash kam az kam 10 saal purani lagti hai, aur woh is qader boseedah haalat mein hai ke is ki jins shanakht karna bhi mumkin nahi .
police naay fil haal ghar ko sale kardiya hai jabkay laash ka post martm bhi karwaya ja raha hai .
makaan ke maalik ka kehna hai ke un ki buzurag kiraya daar nihayat khush mizaaj khatoon theen taham unhon naay kabhi kisi ko ghar ke andar daakhil honay nahi diya. woh is achanak sorat e haal se nihayat pareshan hain .
