TV daikhna ziyada faida mand hai ya mutalea karna ?
TV daikhna ziyada faida mand hai ya mutalea karna, hum mein se aksar afraad apna farigh waqt TV dekhte hue guzartay hain jabkay kuch afraad yeh waqt kitaab parhte hue guzartay hain, samaji mahireen ka khayaal hai ke mutalea karna TV dekhnay se behtar hai .
mukhtalif samaji o nafsiati mahireen ka kehna hai ke jab bhi hum TV dekhte hain to zaroori nahi ke woh har waqt kuch aisa ho jis se hum kuch naya sekhen .
is ke bar aks jab hum koi kitaab mukammal kar ke uthte hain to yeh hamein kamliat ka ehsas deti hai, aisa is liye hota hai kyunkay hum nay mutalay se kuch nah kuch naya seekha hota hai aur hum apni maloomat mein izafah mehsoos karte hain .
sunah 2013 mein Japan mein ki gayi aik tehqeeq ke mutabiq woh bachay jo apna ziyada waqt TV dekhte hue guzartay they un ke aayi que level mein kami dekhi gayi .
is ke bar aks America mein ki gayi aik tehqeeq ke mutabiq kitaab mukammal kar lanay ke baad aglay 5 roz taq parhnay walay ka dimagh chaak o choband aur takhleeqi raah par gamzan rehta hai .
mutalea karne se parhnay walay ke zakheera alfaaz mein bhi izafah hota hai jabkay is ke andar likhnay ki salahiyat beedar ( ya agar pehlay se ho to ) behtar hoti hai .
aap –apne farigh waqt mein dono mein se kis kaam ko tarjeeh dete hain ?
