Home Lifestyle Culture Traffic mai nazm o zabat ka fuqdan aur hadisat

Traffic mai nazm o zabat ka fuqdan aur hadisat

2146
0
Traffic mai nazm o

Traffic mai nazm o zabat ka fuqdan aur hadisat

Traffic mai nazm o zabat ka fuqdan aur hadisat , agar lafz’ ‘ nazam o zabt’ ‘ par ghhor kya jaye to is ki ahmiyat hamein –apne charon taraf maloom hogi. nazam o zabt aik silsila aur tarteeb ka naam hai jo muashray ke nizaam ko munazzam aur mazboot karta hai aur jis muashray mein nazam o zabt ka wujood nahi hoga wahan afratafri aur manfi nataij nazar ayen ge. yeh lafz –apne aap mein bohat si khoobiyan peraoye hue hai. amli zindagi mein nazam o zabt ki aik misaal Pakistan ki sarkon par dekhen to halaat yaksar mukhtalif hon ge kyunkay nazam o zabt ki ghair mojoodgi hadsaat ke bherne ka baais ban rahi hai .

ab sawal yeh hai ke aakhir hamein sarkon par nazam o zabt ki zaroorat hi kyun hai? kya aap ne kabhi socha hoga ke aisay kon se awamil hain jo sarkon par nazam o zabt ko qaim rakh satke hain? Pakistan ki sarkon par mojood mukhtalif rang o design ki bani linon ke baray mein bohat hi kam logon ko maloom hoga. hum aksar rozana kaam ke silsilay ke liye sarkon par safar karte hain aur mukhtalif rang o design ki linon ko dekhte hain. aksar afraad ke zehen mein yeh baat aati hogi ke un ka koi maqsad nahi. kuch arsa pehlay tak mein bhi aisa hi samjhti thi. halaank yeh mukhtalif linen sarkon par nazam o zabt peda karne ka sabab hain .

Traffic mai nazm o zabat ka fuqdan aur hadisat, sarkon par mojood mukhtalif rang o design ki linon ka matlab janna bohat zaroori hochuka hai aur kaisay driver hazraat nazam o zabt par qaim reh kar hadsaat se bach satke hain .

sab se pehlay aksar shaahrahon ke kinaroon par’ ‘ aik lambi zard line’ ‘ bani hoti hai, jis ka matlab yeh hai ke yahan parking ki ijazat hargiz nahi hai. agar sarrak par’ ‘ taqseem shuda safaid line’ ‘ mojood hai to umooman yeh sarrak markazi shahrah se zeli sarrak mein tabdeel hojati hai jabkay ghhor kya jaye to aap ko un sarkon par bohat kam traffic miley gi. is line ka matlab yeh hai ke aap aaraam se aik line se doosri line mein muntaqil ho saktay hain. aisa karne se koi khatrah nahi hoga .
agar aap sarrak par’ ‘ lambi safaid line’ ‘ dekhen to yeh zeli sarrak se markazi shahrah ki taraf muntaqil hojaye gi. jabkay is line se morad yeh hai ke aap aik line se doosri line par muntaqil nahi ho saktay, is par aap ko pabandi hai. kyunkay markazi shahrah par traffic mamool se ziyada hoti hai, yak dam avortikng hadsaat ko janam day sakti hai. aap ko line mein is waqt tak rehna hoga jab tak aik line doosri line mein tabdeel nah hojaye. sarkon par’ ‘ taqseem shuda zard line’ ‘ se morad yeh hai driver doranِ driving apni agay wali gaari ko aaraam se overtake karsaktha hai, lekin is ke liye ahthyat malhooz hai. overtake karne se pehlay agli ya pichli gaari ko ishara dena bohat zaroori hota hai .

sarrak par’ ‘ do ikathi zard linen’ ‘ jab mojood hon to is se morad yeh hai ke driver apni line mein reh kar hi driving karen, bila waja avortikng karne par pabandi hai. kyunkay yeh khatarnaak amal hai. is ke ilawa’ ‘ aik taqseem shuda aur aik zard line’ ‘ se morad yeh hai ke driver driving ke douran doosri gaari ko overtake karsaktha hai. aisa amal zeli sarkon par mumkin hai jabkay markazi shahrah par yeh amal khatarnaak saabit ho sakta hai. jabkay’ ‘ taqseem shuda zard line’ ‘ se morad yeh hai ke driver ghair mamooli ahthyat ke sath apni agli gaari ko overtake karsaktha hai .

sarkon par mojood yeh rang o design hifazat ke liye banaye gaye hain taakay hadsaat kam se kam hosakin lekin Pakistan mein driver hazraat ko sarkon par mojood un linon ka matlab maloom hi nahi hai. afsos ki baat yeh hai ke yahan drivers qanoon shikni karne mein zara bhi aar mehsoos nahi karte balkay –apne sath doosron ka bhi nuqsaan karwa letay hain, jiska azaala namumkin hai .

is ke ilawa dosra nuqta jo intehai ahem hai woh driveron ko maloom hi nahi ke inhen kon si line mein reh kar driving karni chahiye. jaisay ke aam tor par sarkon par do ya teen linen hoti hain, farz kya jaye ke agar sarrak par teen linen mojood hain to woh gariyaan jo dayen taraf murna chahti hain un ko dayen line par hona chahiye, jabkay seedhay rastay par jane walon ko darmiyan mein hona chahiye ,

baen janib murnay walon ko hamesha baen line par hona chahiye. taham, baseen hamesha baen line par honi chahiye kyunkay bas stop sarrak ke baen janib hi waqay hotay hain .

markazi shaahrahon par raftaar ke lehaaz se woh gariyaan jo aahista chalti hain, jaisay ke truck, inhen sarrak ke baen janib hona chahiye jabkay taiz raftaar gariyon ko sarrak ke dayen janib hona chahiye. overtake karte waqt line mein tabdeeli ki ijazat hai. aahista chalne wali gariyon ko overtake karne ke baad wapas baen lain mein aana hoga. taham aam tor par markazi shaahrahon par yeh dekha jata hai ke truck dayen lain par aahista aahista gaari chillate hain aur dosray driveron ko baen janib se peechay chore dete hain, jabkay aahista chalne wali gariyaan traffic ki raftaar ko kam karti hain .
traffic qawaneen ki qanoon shikni se manfi ravayye janam le rahay hain aur yeh manfi rawayya jaat sarkon par hadsaat ko din badan barha rahay hain. kyunkay jab nazam o zabt ki pasdari nah ho to muashray mein bigaar peda hojata hai. sarkon par nazam o zabt ki soorat e haal peda karne ke liye awam mein shaoor bedaar karne ki ashad zaroorat hai. jab tak shaoor bedaar nah kya gaya tab tak hadsaat ki sharah mein kami namumkin hai .