tayyaray mein mask nah pehnana khatoon ko mehanga par gaya
tayyaray mein mask nah pehnana khatoon ko mehanga par gaya, America mein mask nah pahannay par behas o takraar karne wali khatoon ko tayyaray se of load kar diya gaya .
american airline ki parwaaz se north kerolina jaane wali maamar khatoon ko is waqt zid karna mehanga prhgya jab kayi baar Talqeen ke bawajood unhon naay mask laganay se mana kar diya .
social media par viral honay wali video mein dekha ja sakta hai ke fazai amlay ki baarha darkhwast ke bawajood khatoon musafir ghusse mein aagai aur apna tamam dasti samaan utha kar tayyarah se bahar chali gayi .
tayyaray mein mojood jordan Nami shakhs nay waqeye ki video bananay ke baad social media par post ki aur waqeye ki tafseel se aagah kiya .
jordan nay likha ke qanoon ki khilaaf warzi karne wali khatoon nay aik mask tak nahi lagaya, mask to corona virus se bachao ke liye kam tareen hifazati tadbeer hai .
un ke mutabiq khatoon ke of load honay par tayyaray mein mojood deegar musafiron nay khushy ka izhaar karte hue taliyan bajayen .
musafiron naay kaha ke itna samaan hathon mein utha kar tayyaray mein rakhnay wali khatoon ko aik mamooli se mask lagana par itni pareshani kyun thi aur woh mana karne ke bawajood musalsal mobile phone par batein kar ke dosaron ki zindagion ko khatraat mein daal rahi thi .
