Home Point of View syasi shoar aur syasi lutaray

syasi shoar aur syasi lutaray

256
0
syasi shoar aur

syasi shoar aur syasi lutaray

syasi shoar aur syasi lutaray, science ka aik Musalmah usool hai ke aik hi amal ko agar baar baar dohrayen to is ke nataij hamesha aik jaisay hi ayen ge. agar nataij mein tabdeeli chahiye to phir amal mein bhi thori bohat tabdeeli karni parre gi. itnay bunyadi aur aam feham usool ko jantay hue bhi kuch Danishwer yeh samajte hain ke Pakistan mein har paanch saal ke baad intikhabaat hotay rahen, aakhir kaar Pakistan sanwar jaye ga. yani hum intikhabi islahat bhi nah karen, nizaam hukoomat aur sara set up bhi wohi rahay, phir bhi tabdeeli aajay. is hawalay se maghribi mumalik ke jamhoori amal ki misalein di jati hain .

sochnay wali baat yeh hai ke kya maghribi mumalik ki sharah khawandgi Pakistan jitni hai? kya wahan jaali degree ke haamil umeed waar election mein kharray hotay hain? kya wahan qatal, daketi aur darjanon f aayi are rakhnay walay adalaton se stay le kar election lartay hain? kya wahan hazaron ki tadaad mein –apne mzarayn ke shanakhti card zabt karkay jageerdar apni marzi ke thapay lagatay hain? kya wahan dhamkion aur sarmaye se vote khareeday jatay hain? kya wahan intikhabi ticket karorron mein bektay hain? kya wahan ki intikhabi muhim mein arbon ki sarmaya kaari hoti hai ?

kya wahan bhi umeed waar ke bajaye party ke naam par vote daaley jatay hain? kya wahan bhi pichyasi sala shakhs ko cheif election commission banaya jata hai? kya wahan bhi vote daalnay walon ki sharah hamesha pachaas feesad se kam hoti hai? agar un mumalik mein yeh sab kuch nahi hota to Pakistan ke liye un ki misaal kyun di jati hai? agar waqai election se hi sab kuch badalna hai to pehlay election to dhang se kara lijeay.

kitni herat ki baat hai ke tamam barray sarkari aur niji idaron mein rozana ki haazri aur dosray umoor ke liye biometric  system nasb hai, agar nahi hai to election ke liye nahi hai. kisi shakhs par koi f aayi are ho to woh mamooli sarkari mulazmat ke liye bhi na ahal tasawwur hota hai. magar saaray malik ka nizaam chalanay ke liye am an ae aur am pi ae ka election lar sakta hai. intikhabi tashheer ke liye karorron arbon kharch hotay hain magar majaal hai jo election commission ney is ka kabhi notice liya ho ya usay bunyaad bana kar kisi ke kaghzat namzadgi mustard kiye hon. aala adliya bhi sab  kuch dekh rahi hoti hai aur deegar tamam baakhtyar idaray bhi, lekin inhen aisay umoor par tavajja dena shayad mulki mafaad ke khilaaf dikhayi deta hai .