social media ki dosti : rishte ab pehlay jaisay nahi rahay
social media ki dosti : rishte ab pehlay jaisay nahi rahay, jadeed daur ki duniya mein jahan insaan ke jeeney ke taqazay badal chuke hain wahein hamari zindaganian aisi jiddat se aashna hui hain ke rishton ke mafhuum bhi ab pehlay jaisay nahi rahay .
log social media plate forms Facebook, twitter, wats app aur instagram jaisi samaji raabtey ki Websites par hazaron dost to bana letay hain lekin sath hi aik ghar mein rehne walon ko itna daur kar diya hai ke bachon ke paas maa, baap ke liye waqt nahi hai aur nah hi maa baap ke paas bachon ki tarbiyat un ke masail aur un ke sath un ki choti choti khusihyan baantane ke liye waqt hai .
yeh un hi scienci eejadat ki karishma saazi hai ke daur rehne walay aap ke qareeb hain aur sath rehne walay begana, ajnabi dost hain aur –apne qareebi rishton se milnay ke liye hamaray paas time hi nahi hota .
motivational speaker Qasim Ali Shah ne guftagu karte hue bataya ke dosti ka talluq hamaray –apne rawaiyon aur khoobiyon ke sath hai .
unhon ne kaha ke shohrat ka safar insaan ko tanhai ki taraf le jata hai kyunkay insaan jitna mashhoor hota chala jata hai is ke liye itna hi mushkil hojata hai ke woh apna dukh kisi ko suna sakay .
unhon ne kaha ke social media par aisay dost mlitay hain jo aap dukh sirf sun satke hain jabkay asal dost sirf woh hai jo aap ke paas ho aur aap ke dukh mein shareek hokar sath khara ho .
