Social media ka jungle
Social media ka jungle , –apne bachon ke social media accounts par nazar rakhiye. agar aap ke bachay, betay ya beti ke paas apna alehda mobile phone mojood hai to usay baqaidagi ke sath check karte rahiye. aisa karna is liye zurori nahi ke –apne bachay par aetmaad nah karen balkay is liye zurori hai ke bacha social media ke istemaal mein koi be ahteyati nah kar baithy. mere zaati mushahiday mein aisay log bhi hain jinhon ney –apne bachon ko azadi ke sath mobile phone ke istemaal ki ijazat day rakhi hai aur woh –apne bachon ke phone ko haath taq nahi lagatay. bachay kya karte hain, kya dekhte hain? inhen baat ki bhi parwah nahi .
yaad rakhiye itni laparwai aur be ahteyati kal ko kisi nedamat aur sharmindagi ka baais ban sakti hai. –apne bachon par aetmaad zaroor kiijiye magar check and balance ka amal bilkul khatam mat kiijiye. balkay dostana rawayya ikhtiyar karte hue bachon ke mobile aur khaas kar social media accounts par khaas nazar rakhiye. unhon ne kya post kya hai? kaisay comments aeye hain? un comments ke kya jawabaat diye gaye hain? yeh sab baatein bzahir choti maloom hon gi magar yaqeen kiijiye is se aap ke liye bohat aasani hojaye gi. bachay ko achchca khilana pilana aur padhana hi zurori nahi, balkay aaj kal bachon ke social mil milaap par nazar rakhna bhi bohat zurori hai .
Social media ka jungle bachon ki taraf se is laparwai ka shikaar woh walidain ziyada tadaad mein hain jo yeh kehte hain ke hum ny –apne bachon ko mukammal azadi di hui hai, kyunkay hamein un par poora aetmaad hai. theek baat hai azadi bhi degiye aur aetmaad bhi kiijiye. magar yeh zaroor yaad rakhiye ke internet ki duniya aur social media ka jungle bohat be lagaam hai. yahan par apni marzi nahi chalti, balkay aik samandar beh raha hai jis mein teer kar –apne aap ko sahih salamat kinare pahunchana bohat mushkil hai .
aisay halaat mein bachon ko be raah rawi ka shikaar honay se bachana bohat kathin amar hai. is silsilay mein jo amli iqdamaat walidain kar saktay hain woh koi aur nahi karsaktha. bachon ko waqt dijiye. un ke taleemi aur niji mamlaat par nazar rakhiye. doston se mil milaap aur shirkat par khaas nazar rakhiye ke kon milnay aaya hai, kis se milnay jana hai aur jo doston ka circle hai is mein kaisay log shaamil hain. is baat ki parwah kijiyej, chahay beta ho ya beti, dono ke liye bayan kiye gaye usool par karbnd rahiye. aap ko pareshani ka saamna nahi karna parre ga .
yaad rakhiye achi tarbiyat aap ka sharai farz bhi hai aur aap hi se is baray poocha jaye ga. dunyawi nedamat aur ukharwi pareshani se bachney ke liye check and balance rakhna sekhiya. bachon ki taraf se la parwah mat hon, yeh aap ka sarmaya hain. bachay agar kisi ghalat company ya ghalat social media accounts ke haath charh kar khud ko tabah karen ge to is ka sab se ziyada nuqsaan aap hi ko hoga. had se ziyada laad aur tavajja hamesha bigaar latee hai, tawazun zurori hai aur yahi qanonِ fitrat bhi hai .
bachay –apne mustaqbil se la parwah ho saktay hain lekin aap ke paas ghalti ki gunjaish mojood nahi . aap rozana khabron mein dekhte hon ge kitney hi waqeat aisay hain jin mein social media se shuru honay wala pak saaf talluq baad mein zillat o ruswai ka baais bantaa hai. yeh sab isi la parwahi aur Adam tawajhi ki karstani hai. unn bachon ke walidain ne bhi –apne bachon ko har shai ki azadi day rakhi hoti hai, kisi baat ki rokkk toak nahi hoti aur poochnay wala bhi koi nahi hota. walidain bachon ko azadi day kar khushi mehsoos karte hain aur phir jab aisa koi tabah kin waqea runuma hojata hai to usi aulaad ko kostay hain. mein yahan qusurvaar walidain ko hi kahoon ga. unhain mera yeh sawal hai ke aakhir aisi kya privacy aur niji mamlaat hain jo bachay –apne walidain ke sath share nahi kar saktay? walidain kyun bila jhijhak –apne bachon ke mobile ko haath nahi laga satke ?
aap ne bhi mushahida kya hoga ke walidain ke paas aksar btnon wala boseedah mobile phone hota hai aur bachon ke paas barry se bara touch screen mobile. aakhir aisi kon si business mitngz aur deals karni hoti hain un bachon ne jo itnay besh qeemat mobile le kar diye jatay hain? hamaray waqton mein jab bachay ya bachi ki classe mein koi position aati thi to usay cycle aur kitabon jaisay tohfay diye jatay they, magar ab to baat hi mobile se shuru hoti hai. jab taq barray brand ka mobile nah le kar diya jaye bachay ki bhook hartaal khatam nahi hoti. aisay bigaar ki tamam tar zimmay daari walidain par aed hoti hai jo naffa o nuqsaan ki parwah kiye bana bachon ki har jaaiz najaaiz zaroorat poori karne mein lagey rehtay hain. walidain apni zimmay daari ko puhchanin. is zimmay daari se faraar tabahi ko jata rasta hai. bachon ko sambhaliya , is se pehlay ke koi aakar aap ko sambhale .
