Sir say khushki khatam krnay k chand gharelo jadoye nuskhay
Sir say khushki khatam krnay k chand gharelo jadoye nuskhay, sir ki khushki aik aisa masla hai jis mein mard aur khawateen, dono mubtala nazar atay hain. khobsorat balon mein khushki ke zarraat nihayat badnuma lagtay hain aur insaan ki khobsorat shakhsiyat par nihayat badsoorat mehsoos hotay hain jab ke khushki ki wajah se honay wali kharish tamam logon ke samnay sharmindagi ka baais bhi banti hai .
khushki se chhutkara haasil karne ke liye market mein kayi terhan ki mehngi products dastyab hain jin ke bananay walay sir se khushki ka mukammal khtama karne ka daawa karte nazar atay hain. taham khushki ka khtama to daur ki baat, un products mein shaamil kimiklz balon ke liye nihayat nuqsaan da saabit hotay hain jin ki wajah se balon ke girnay aur be jaan honay ki shikayat peda hojati hai. Albata khushki se mutasirah log chemicals wali mehngi products istemaal karne ke bajaye yeh chand gharelo aur saada nuskhay istemaal karkay dekhen to hamein yaqeen hai ke yeh nuskhay khushki khatam karne mein madadgaar saabit hon ge .
dahi
khushki ke khatmay ke liye dahi behtareen hai. puranay waqton mein khawateen khushki ke khatmay ke liye dahi istemaal karti theen. yeh totka aaj bhi itna hi kargar hai jitna pichlle zamane mein tha. nuqsaan da kimiklz se bharpoor mukhtalif terhan ke shampoo istemaal karne ke bajaye agar sir ki jaroon mein dahi lgali jaye to is se nah sirf khushki ka khtama hoga balkay balon ki nashonuma bhi taiz hogi. dahi mein qudrati tor par aisay ajza paye jatay hain jo sir mein khushki peda karne walay bacteria aur fungus par hamla karkay un ka khtama karte hain. is ke ilawa dahi istemaal karne ke koi muzir asraat bhi nahi hain .
neem ke pattoun ka mixture ( paste )
name kehnay ko to karva hota hai lekin qudrat ne is karvae darakht mein besh baha fawaid chhupa rakhay hain. name behtareen jaraseem kash hai jo bacteria khatam karne mein ahem kirdaar ada karta hai. yeh nah sirf khushki khatam karne ka kaam karta hai balkay is se peda honay wali kharish ko bhi khatam karta hai. khushki se mutasirah afraad name ke chand pattay le kar pani ke sath is ka paste banalen aur usay khopdi ki jaroon par lagayen aur phir apna sir saada pani se dho len. yeh totka kargar saabit hoga .
tea tree oil
tea tree darasal khushbu wali jhariyan hoti hain jin ka tail market mein dastyab hota hai. yeh tail acne ( chehray par niklny walay daano ) ke liye bhi bohat faida mand hai. yeh tail jald ko saaf karta hai aur usay fungus se bachata hai. khushki se pareshan afraad yeh tail –apne roz marrah tail mein mila kar lagayen aur thori der baad baal dho len. yeh nuskha khushki khatam karne mein bohat mo-asar saabit hoga .
saib ka sirka aur lemoo ka ras
saib ka sirka aur lemoo ka ras –apne andar kayi khususiyaat rakhtay hain. un dono cheezon ko mila kar sir ki jaroon mein lagayiyae. lekin yaad rahay sir mein pehlay se mojood tail aur matti waghera dho lijiye. yeh tareeqa khushki se nijaat haasil karne ke liye behtareen hai. is ke baad apna sir 15 minute baad kisi bhi achay shampoo se dho lijiye. pehli baar azmaane par aap wazeh farq mehsoos karen ge .
