‘ Saudi arab mein corona se 30 Pakistani jaan bahaq hue ‘
mutayyan safeer Raja Ali Ejaaz naay kaha hai ke corona virus se 30 Pakistani jaan bahaq jab ke 150 mutasir hue .
tafseelaat ke mutabiq Saudi arab mein corona se muqeem Pakistani community se video link ke zariye wazeer kharja Shah Mahmood Qureshi naay ijlaas ki sadarat ki .
ijlaas mein special secretary kharja Muazzam Ali aur wizarat kharja ke senior afseran shareek hue, Saudi arabb mein Pakistani safeer Raja Ali Ejaaz naay corona par breifing di .
safeer naay bataya ke Saudi arabb mein corona sy 30 Pakistani jaan bahaq hue jab ke 150 mutasir hue jinhein Saudi hukoomat ki taraf se behtareen tibbi sahoolat faraham ki ja rahi hain .
is mauqa par wazeer kharja Shah Mahmood Qureshi ka kehna tha ke 209 se ziyada mumalik aur reastain corona ka nishana ban chuke hain, duniya mein 38 laakh ke qareeb log is waba ka shikaar ho chuke hain, Pakistan mein corona se 22 hazar log mutasir aur 500 amwaat hui hain .
Shah Mahmood Qureshi ka kehna tha ke Allah kashkr hai amwaat ki sharah hamaray haan ziyada nahi hai, hamara maqsad yeh hai ke hum tamam faislay qaumi ittafaq raye se kiye jayen, sobon ko aara dainay ka haq hai hum un ki aara ko ahmiyat dete hain .
