sarson ke tail ke aisay fawaid jinhein jaan kar aap heran reh jayen ge
sarson ke taill ke aisay fawaid jinhein jaan kar aap heran reh jayen ge, sarsoon Pakistan ki fasal hai. mausam bahhar mein is ke phool nikaltay hain jo zard rang ke hotay hain. yeh phool bohat khobsorat hotay hain. un phoolon ke andar beej bantay hain un beejon mein se tail nikala jata hai jo serson ka tail kehlata hai .
sarson ka taill jism ke liye intehai mufeed smjhajata hai, sarson ke tail ki khushbu aur zaiqa nihayat Farhat bakhash hota hai, is mein mutadid vitamins aur ghizai anasir mojood hotay hain jis mein vitamin H, vitamin E, calcium, protein, aur omega 3 shaamil hotay hain .
khanay aur balon o jisam par laganay ke sath sath sarson ka tail bohat se cosmetics ki tayari mein istemaal hota hai. sayadi magazine mein shaya honay wali aik report mein maahir ghiza dr santhiya alhaj sarson ke tail ke fawaid ke baray mein batati hain .
dr santhiya alhaj ka kehna hai ke sarson ke taill ka shumaar un telon mein hota hai jis mein mono charbi hoti hai, jo cholesterol ko kam karne mein madad karti hai, yun insaan qalbi amraaz se mehfooz rehta hai .
sarsoon ke taill ke aisay fawaid jinhein jaan kar aap heran reh jayen ge, sarsoon ka tail asaab, haddi aur joron ke dard ke ilaaj ke liye istemaal kya jata hai, is ke ilawa yeh tail wazan kam karne mein bhi Muawin hota hai kyun ke is mein kayi vitamins mojood hotay hain jo jism ki charbi ko pighalnay mein madad dete hain .
yeh asthma aur hadion ke infection ke ilaaj mein bhi madad karta hai, seenay par sarson ke tail ki maalish karni chahiye is se pehphron mein oxygen ke bahao mein aasani rehti hai .
shehad ke sath aik chaye ka chamach sarson ka tail liya jaye to dama k ki bemari se nijaat millti hai. behtar hai ke is muamlay mein –apne mualij se mahswara bhi kar liya jaye .
sarsoon ka taill cancer ki rokkk thaam mein ahem kirdaar ada karta hai. is mein anti oxcidents hotay hain, gloco ke ilawa yeh cancer ke tumor ki tashkeel ko kam karta hai jo nizaam inhizam aur barri aant ko mutasir karta hai .
kuch tibbi mtalaat mein barri aant, aur masanay mein cancer ke khalion ki nashonuma ko kam karne aur unhein phelnay se roknay mein sarsoon ke taill ki taseer ko 35 feesad tak saabit kya gaya hai .
is ke andar anti oxident aur gloco ki mojoodgi zaroor hai, lekin aap ko is ke istemaal se qabal kisi maahir se rujoo karna chahiye taakay rozana is ki miqdaar ke istemaal ke baray mein durust maloomat haasil kar saken .
sarsoon ka taill nazla aur infloenza ke ilaaj ke liye bhi istemaal hota hai, sarson ke taill aur kafoor k tail ko ubaltay hue bukharat se bhaap li jaye to saans ki bemari behtar hoti hai aur seenay mein balgham ke jama honay ko roknay mein madad karta hai .
jism ko naram karne mein sarsoon ke taill ke fawaid
dr santhiya alhaj ne mazeed kaha hai ke sarsoon ka taill mizaaj ko behtar karne aur aaraam ke ehsas ko behtar bananay mein madad karta hai, logon ke tanao aur iztiraab ko kam karta hai. yeh aik aisa tail hai jo shadeed be khwabi se chhutkara panay mein madad karta hai, jis se aap raat ko gehri neend sotay hain .
sarsoon ke taill ke aisay fawaid jinhein jaan kar aap heran reh jayen ge, un ke mutabiq sarsoon ke taill mein phosphorus hota hai, jo hadion ko mazboot bananay aur taamer karne mein ahem kirdaar ada karta hai, jabkay sarsoon ka tail gathia ke ilaaj mein bhi istemaal hota hai, yeh dard se chhutkara haasil karne mein madad karta hai. agar joron mein moch aajay to dard ki shiddat ko kam karne ke liye sarsoon ka tail istemaal kya jata hai .
