qaumi cricket team ki England rawaangi ka schedule tayyar
qaumi cricket team ki England rawaangi ka schedule tayyar karliya gaya, qaumi team 5 July ke bajaye June ke aakhri haftay mein England rawana hogi .
tafseelaat ke mutabiq qaumi cricket team ki England rawaangi ka schedule tayyar karliya gaya jis ke mutabiq qaumi team 27, 28 June ki darmiyani shab England rawana hogi .
zaraye ke mutabiq english board ne 26 se 29 June tak private jet ka intizam kya hai, 26 June ko tayyarah qaumi team ko lainay ke liye Lahore puhanche ga .
PCB ne series ki tayari ke liye english board se jald rawaangi ki darkhwast ki thi ,
khilari Birmingham mein kuch din qarantina mein guzaarnay ke baad practice karen ge .
Pakistan ne dora England ke liye 29 rukni squad ka elaan kardiya
wazeh rahay ke Pakistan aur England ke darmain pehla test match 5 augst ko manchester mein khela jaye ga, qaumi team dosra, teesra test aur T20 series southmeton mein khailay gi .
dono teamon ke darmain T20 series 28 augst se yakam September taq kheli jaye gi .
yaad rahay ke head coach aur cheif selector Misbah Al Haq ne is se qabal 29 rukni qaumi squad ka elaan kya tha, sabiq captain Sarfraz Ahmed ki team mein wapsi hui hai, husn Ali fitness, Mohammad Aamir aur Haris Sohail niji masrofiyat ke sabab squad ka hissa nahi hain .
