khobsorat aabi parindon, Pinguin ki kam azkam teen anwaa ke barey mein inkishaaf sun-hwa hai ke woh pani ki geherai mein bhi aik dosray se bate karte hain taham un ki mukhtalif awazon ka 50% talluq shikaar ya khoraak ke mamlaat se ho sakta hai .
hum jantay hain ke Pinguin ghair mamooli aur dilchasp jaan daar hain jin mein ghouta laganay ki salahiyat bhi herat angaiz hoti hai aur woh 20 se 500 meter geherai taq jaakar machhli, kirl ya squaid waghera ka shikaar kar saktay hain .
mahireen janna chahtay hain ke kya yeh janwar pani ke andar bhi aawaz kharij karte hain ya nahi? is zimn mein janoobi afriqa ki nelson mandela university ney baaz tajarbaat kiye hain aur videos banai hain. unhon ney is zimn mein btorِ khaas king pingoyn, gento pingoyn aur macroni pingoyn par tahaqeeq ki hai .
science danon ney samandar ki geherai mein musalsal paanch ghantay taq 203 video clip banaye hain. un mein se 34 video king pingoyn ki, aik macroni pingoyn aur 168 gento pingoyn ki videos banai gayi hain .
un mein se king pingoyn 200 meter ki geherai taq ja sakta hai aur machhli ka shikaar karta hai. doosri janib macroni pingoyn ziyada se ziyada 10 meter ka ghouta lgaskta hai aur –apne atraaf mein chhote jhingon aur kirl ka shikaar karta hai .
mahireen ney note kya ke tenu aqsam ke pingoyn ney 73 feesad aawazian is waqt kharij kee jab woh ghouta laga kar neechay ki taraf jarahay they aur ain isi lamhay woh shikaar karte hain. aksar aawazian is waqt kharij hoti hain jab woh shikaar ki janib lapaktay hain. is waqeye ki aik video bhi banai gayi hai .
50% awazon ka talluq un janwaron ke shikaar se wabsta raha aur jaisay jaisay pingoyn shikaar ki janib barhay un ki aawazian bhi barhti rahen. lekin kya yeh aawazian doosri pingoyn ko Raghib karne ke liye hoti hain? aur kya inhen bate bhi qarar diya ja sakta hai? is par abhi mazeed tahaqeeq karna hogi
