Pakistani muashra aur taleem o terbiyat ka fuqdan
Pakistani muashra aur taleem o terbiyat ka fuqdan , kisi bhi qoum ki shanakht is ki tahazeeb aur taleem o tarbiyat se hoti hai. aaj Pakistan samait taqreeban tamam hi mashriqi mumalik mein maghribi mumalik ki taleem ko tarjeeh di jati hai. maghribi taleem se aaraasta afraad ke liye mulazmat ke mawaqay bhi ziyada hotay hain. kaha jata hai ke tarbiyat muashray ki reerh ki haddi hoti hai. aur tarbiyat nah honay se muashray tabah ho jatay hain. maazi mein barray buzurag aala taleem Yafta nahi hotay they is ke bawajood bhi –apne bachon ki achi tarbiyat kya karte they. bachon ke uthnay bethnay, khanay peenay ke aadaab par khaas tavajja dete they. bachon ko bataya jata tha barron ka adab kaisay karna hai. lekin ab muashray mein un tamam baton ki kami wazeh nazar aati hai .
Pakistan mein har dosra shakhs maghribi mumalik ki batain karta hai. har cheez mein maghrib ki misaal di jati hai. malik ke hukmaran bhi apni tqarir mein siyasi mukhalfin ko aade hathon lainay ke liye bhi maghrib ki hi misalon ka sahara letay hain .
Pakistan azad honay ke baad malik ko darpaish deegar masail ke sath aik bara masla muashray ki taleem o tarbiyat thi. bad qismati se is malik mein taleem ko munafe bakhash kaarobar bnalya gaya lekin tarbiyat ko kosoon daur chore diya
gaya. mulk mein maghribi taleem ke farogh ke liye barray barray school khol diye gaye. un barray schoolon mein bhaari bharkam feesain to wusool ki jan_e_ lagen lekin tlba ki tarbiyat kahin hoti nazar nahi aati. yahi wajah hai ke malik ki nasal no samaji buraiyon aur ikhlaqi gravt ka shikaar hai .
bachon ki shakhsiyat mein ikhlaqi bohraan aur tehzibi eqdaar ki qillat ki sab se barri wajah un ke walidain ki ghaflat hai. maa baap –apne masail mein masroof hain. taizi se daurti zindagi ke challenges se nimatnay mein woh –apne bachon ko faramosh kiye jarahay hain. bachon aur walidain mein samaji doori ki aik aur barri
wajah mobile phone bhi ban chuka hai. har ghar ki yahi kahani hai. aik hi kamray mein walidain aur bachay –apne –apne mobile phones mein ik duniya se to raabtey mein hotay hain magar aik dosray se latalq hotay hain. kayi walidain apni masrofiyat ke baais khud –apne bachon ko mobile phone ki latt mein mubtala kardete hain. bachay apna jee behlaane ke liye cartoons ya samaji rabton ki Websites par mojood mawaad ka sahara letay hain .
aaj ke daur ki ahem tareen zaroorat yeh hai ke walidain jahan –apne bachon ko taleem ke liye aala tareen, mehngay tareen taleemi idaron mein daakhil karate hain wahan
wahan woh is baat ka bhi khayaal rakhain ke kya is darsgah mein bachay ki taleem ke sath tarbiyat bhi ki jarahi hai ya nahi. gharon mein walidain khaas kar maaen bachon ki zabaan aur adab o aadaab par nazar rakhain. yeh duniya ka maana hwa usool hai ke agar taleem ke sath tarbiyat nah ho to muashra taraqqi ki seerhi nahi charh sakta .
