“orton ki aankhon se ansoo nikalwane ki terkebain”
“orton ki aankhon se ansoo nikalwane ki terkebain”, mere aik dost ka mushahida hai ke aurton ki bahami guftagu ya khat o katabat mein mout ya bemari ki khabron ka Ansar ziyada hota hai. nah sirf yeh balkay aisay waqeat ke bayan karne mein aurtain ghair mamooli tafseel aur raqt angazi se kaam layte hain .
goya nagawaar baton ko nagawaar tareen piraye mein bayan karna un ka nihayat pasandeeda shugal hai. un se woh kabhi sair nahi hoten. aik hi mout ki khabar ke liye apni shanasaun mein se ziyada se ziyada samaeen ki tadaad dhoond dhoond kar nkalti hain. aisi khabar jab bhi naye siray se sunana shuru karti hain, aik nah aik tafseel ka izafah kar deti hain aur har baar naye siray se ansoo bahati hain aur phir yeh bhi zaroori nahi ke mout ya bemari kisi qareebi Aziz ki ho. koi parosi ho, mulazim ho, mulazim ke nanhiyal ya saheli ke sasural ka waqea ho, gali mein rozmrrh anay walay kisi khwancha walay ka bacha bemaar ho, koi urti urti khabar ho, koi afwaah ho. gharz yeh ke is hum dardi ka halqa bohat wasee hai : ”saray jahan ka dard hamaray jigar mein hai “
nah sirf yeh balkay raqt angaiz kahaaniyon ke padhany ka shoq aurton hi ko bohat ziyada hota hai aur is baray mein sab hi aqwam ka aik hi sa haal hai. ghair mumalik mein bhi rulane wali kahaniyan hamesha nichale tabqa ki aurton mein bohat maqbool hoti hain. ghatiya darjay ke gham nigaar musanifeen ko apni kitabon ki qeemat aksar aurton ki jaib se wusool hoti hai .
woh bhi aurton ki fitrat ko samajte hain. kahani kaisi hi ho agar is ka har safha gham o alum ki aik tasweer hai to is ki ashaat yakeeni hai aur aurton ki aankhon se ansoo nikalwane ke liye aisay musanifeen terhan terhan ki trkibin karte hain .
kabhi aik phool se bachay ko saat aath saal ki Umar mein hi maar dete hain aur bistar-e merg par totli baatein kerwatay hain. kabhi kisi yateem ko raat ke baara bujey sardi ke mausam mein kisi chowk par bhooka aur nanga khara kar dete hain. aur bhi raqt dilani ho to usay syed bana dete hain. yeh kaafi nah ho to usay bheek mangta sun-hwa dikha dete hain ke ”miri boorhi maa mar rahi hai. dawa ke liye paisay nahi. kkhuda ke naam ka kuch dete jao .
kabhi kisi sghrh khoob soorat naik Tanat larki ko churail si saas ke hawalay kara diya. ya kisi bad-qamash khawand ke supurd kar diya. aur kuch bas nah chala to souteli maa ki goad mein daal diya aur wahan dil ki bharas nikaal li. padhany wali hain ke zaar o qitaar ro rahi hain aur baar baar padti hain aur baar baar roti hain .
