Opposition k jalsay aur haqumat ki zimma dariyan
Opposition k jalsay aur haqumat ki zimma dariyan, mulk ke siyasi drjaa hararat mein bohat ziyada izafah hochuka hai. oppostion jamaten jalson par jalsay kar rahi hain, jo ke oppostion karti hai. oppostion jamaaton ne Pakistan democratic movement ke naam se jo tehreek shuru ki hai woh fi al haal to kamyabi ke sath jari hai aur is mein shaamil tamam jamaten yak zabaan hokar hukoomat ke khilaaf sargaram hain aur awaami taaqat ke zariye hukoomat ko ghar bhejnay ke liye prazm hain. oppostion jamaten achay khasay barray jalsay kar rahi hain jin mein barri tadaad mein log shareek ho rahay hain. pehla jalsa Gujranwala mein kya, jis mein awam ne barri tadaad mein shirkat ki aur oppostion jamaaton ke hauslay buland hue. dosra jalsa unhon ne Karachi mein kya, wahan bhi awam ki achi khasi tadaad ne jalsay mein shirkat karkay –apne rehnumao ki mazeed hosla afzai ki. ab oppostion jamaten mazeed jalsay karne aur hukoomat ke khilaaf tehreek ko mazeed taiz karne ke liye pur josh hain, jo hukoomat ke liye mushkilaat ka baais ban sakta hai .
oppostion jamaten jalson mein kya taqareer karti hain ya miyan Nawaz shareef ne idaron bilkhushoos fouj ke khilaaf kya zabaan istemaal ki? fi al-waqt to is guftagu ka mauqa nahi hai, abhi to mein fouj ke un jawanoo ke liye ghumzdaa hon jo chand roz qabal Waziristan aur Gwadar mein dehshatgardon ki karwaiyon mein jaam shahadat nosh kargaye aur yaqeenan har Pakistani –apne un jawanoo ke liye fikarmand hai jo dehshatgardon ke khilaaf mahaaz par hain. Allah rab ulizzat un ki hifazat farmaiye. yahan is guftagu ko mein ziyada zaroori samjhta hon ke oppostion to jalsay kar rahi hai aur hukoomat par tanqeed bhi kar rahi hai, jo ke hamesha hota hai. lekin sochnay ki baat to yeh hai ke hukoomat kya kar rahi hai? hamaray wuzra ko kis kaam mein laga rakha hai? woh bas oppostion ke jalson par tabsaray kar rahay hain. koi to un ke adaad o shumaar jari kar raha hai aur koi oppostion rehnumao ki taqareer ka parchaar kar raha hai. mein to kehta hon ke koi shakhs oppostion rehnumao ki taqareer nahi sun sakta ya un ki Tawalat ki wajah se sunna pasand nahi karta to woh wifaqi wuzra ke bayanaat sun le, oppostion rehnumao ki tamam taqareer ka khulasa samajh mein aajay ga. oppostion rehnuma jalsa karkay gharon ko chalay jatay hain, is ke baad do chaar roz tak wuzra is par bayanaat dete rehtay hain. yahan tak ke dosra jalsa ajata hai aur wuzra ko naya kaam mil jata hai, woh jalson ke baad un ke mutaliq bayanaat daghte rehtay hain .
hukoomat ke liye karne ka kaam yeh hota hai ke woh yeh samajhney ki koshish kere ke oppostion ke jalson mein jo log shareek ho rahay hain un ke masail kya hain? woh hamari jamaat ko chore kar doosri jamaaton mein kyun itni barri tadaad mein shirkat karte hain? kyunkay awam ki barri tadaad jalson mein mojood hoti hai chahay hukoomat manay ya nah manay. hukoomat ki taraf se jo tadaad batayi jati hai asal tadaad is se kahin ziyada hoti hai aur oppostion ki janib se jo tadaad batayi jati hai asal tadaad is se kam hoti hai. is liye asal tadaad ko un dono ke darmiyan mein samjhna chahiye. behar haal hazaron log oppostion ke jalson mein shareek hotay hain aur lakhoon balkay karorron logon ki numaindagi karte hain, kyunkay la tadaad afraad aisay hotay hain jo jalson mein shirkat karne walon ki terhan sataye hue hotay hain aur un ki terhan ke nazriaat rakhtay hain lekin kisi wajah se jalson mein shirkat nahi kar saktay ya nahi karna chahtay. is liye shirkat karne walay afraad un ki bhi numaindagi kar rahay hotay hain. agar oppostion ke haliya jalson mein awam ki shirkat ki wajah jan-nay ki koshish ki jaye aur wahan mojood afraad ki aksariyat mehengai ka rona roti hui dikhayi deti hai ke hum mehengai ke sataye hue hain, is liye is hukoomat se chhutkara chahtay hain .
Opposition k jalsay aur haqumat ki zimma dariyan, wazeer e azam sahib aur wuzra to inhen oppostion jamaaton ke karkun samajte hain aur yeh ilzaam aed karte hain ke inhen lalach day kar ya behka kar yahan laya gaya hai lekin un ki haalat zaar dekhen to woh kuch aur hi batati hai. yeh tamam afraad jayalay nahi hotay, nah hi oppostion jamaten inhen niklny par majboor karti hain, balkay hukoomat khud hi inhen niklny par majboor karti hai. woh is terhan ke hukoomat ki ghalat policia jab malik ke halaat kharab karti hain to awam tang ho jatay hain aur woh hukoomat ke khilaaf niklny par majboor ho jatay hain. un mein bohat se afraad aisay bhi hain jinhon ne guzashta intikhabaat mein hukmaran jamaat ko hi vote diye lekin ab woh hukoomat ki na ahliyon ko dekh kar –apne kiye par sharmsaar hain aur hukoomat se chhutkara panay ke liye oppostion jamaaton ka sath day rahay hain .
Opposition k jalsay aur haqumat ki zimma dariyan, yahan to aisa maloom hota hai ke hukoomat bani hi oppostion ki zabani mukhalfat ke liye hai. bas un ki harkaat par nazar rakho aur bayanaat daghte raho, is ke siwa koi aur kaam nahi karna. hukoomat ko chahiye ke woh ab to sanjeedgi ka muzahira kere aur awam ke haal par reham kha kar koi zara si karkardagi to dikha day. oppostion ke peechay haath dho kar parney se un ki na-ahli nahi chupay gi, balkay –apne kaam par dheyaan dijiye, –apne –apne mehakmon ki karkardagi ko behtar banayiyae, awam ke masail ko samajhney ki koshish kijiyej, mehengai par qaboo panay ke liye mo-asar iqdamaat kijiyej, berozgari ke khatmay ke liye kaam kijiyej, maeeshat ko behtar banayiyae. un iqdamaat se aap par awam ka aetmaad barhay ga aur woh oppostion ka sath dainay ke bajaye hukoomat ka sath den ge aur khud-bakhud oppostion ki tamam tharik khatam ho jaien gi .
