noumeron ko mutapy se kaisay bachaya jaye?
noumeron ko mutapy se kaisay bachaya jaye? dour jadeed ki baaz asaiysh aur sahuliyaat aisi hin jin ka hamari sehat aur jismani karkardagi par gehra assar para hai aur hum ziyada aaraam talabb aur tasahal pasand hogaye hain jis ke nateejay mein farbahi ya mtape ka masla janam le raha hai .
bachon ki baat ki jaye to wazan ki zayad-ti inhain mustaqbil mein sehat ke hawalay se kayi khatraat se dochar kar sakti hai. smart phones aur screen ke samnay ziyada waqt guzaarne walay bachay aisi jismani sar garmion se mahroom ho rahay hin jo un ki majmoi sehat aur karkardagi ke liye zaroori hin .
is hawalay se awaami sehat aur ilaaj mualjay se mutaliq mukhtalif formz par tbbi mahireen ne tashweesh zahir ki hai. mahireen ka kehna hai ke badalti hui duniya main bachon main sehat mand aur mufeed rujhanaat parwan charhanay ki zaroorat kayi gina barh gayi hai aur walidain, ser paraston aur usaatzaa ko chahiye ke inhain jismani sar garmion ki taraf Raghib karen, maidan main khail kood aur baqaidagi se werzish ki ahmiyat se aagah karen .
is ke sath mahireen ghzayyat ki madad se bachon ko sehat bakhash aur mutawazan ghiza ke istemaal ka aadi bananay ki zaroorat hai jo mtape ka rasta rokkk sakti hai .
mahireen ke mutabiq bachon ki mamool aur Umar ke mutabiq jismani nashonuma bohat zaroori hai jis ke liye barhti hui Umar mein bachon ki raah namai karte hue un main sehat mand ghizai aadaat ko parwan charhana ho ga. is zimn main walidain ke liye mahireen ki chand raah numa tajaweez aur mashwaray paish hin .
bachon ko sabzion, phalon aur har qisam ke anaaj ka shuru hi se aadi banayen. un ki khoraak mein kam chiknai ya baghair chiknai wala doodh, derye masnoaat Bashmole paneer aur dahi shaamil rkhay.
bachon ko protein se bharpoor khoraak dainay ke liye unhein machhli, daalon aur phaliyon ka aadi banayen .
cheeni aur siturated fats ka istemaal kam rakhen. meethay mashrobat, drinks aur bazaar se juice waghera khareed kar peenay ki hosla shikni karen .
tbbi mahireen ke mutabiq zayed chiknai, cheeni aur namak ke istemaal se sehat ko pounchanay walay nuqsanaat par bachon ko saada zabaan main maloomat aur aagahi den. –apne bachon ko bahar ke khanay aur muragan gazayn khanay ki ijazat kam hi dain aur inhain sehat bakhash aur mutawazan ghiza o khoraak ka aadi banayen .
mohqiqeen ke mutabiq 6 se 17 saal ki Umar ke bachon aur noumeron ko har din kam az kam 60 minute tak jismani tor par sargaram rehna chahiye. unhein bhagnay dornay, uchhal kood ka mauqa den taakay un ke jism ke jor aur pathay waghera mazboot hon. no umari main werzish ki aadat dalain .
tbbi mohqiqeen ke mutabiq neend ki kami bhi mtape ka baais banti hai. neend ke liye bistar par jane ka waqt muqarrar karen aur bachon ko is ka paband banayen .
