nakseer photnay se kaisay bacha jaye ?
nakseer photnay se kaisay bacha jaye ?, nakseer phootna aik mushkil sorat e haal hosakti hai jis mein yeh tay karna mushkil hojata hai ke aaya usay qudrati tor par ruknay diya jaye ya tibbi madad talabb ki jaye, aaj aap ko is ki wajohaat, aqsam aur bachao se mutaliq bataya ja raha hai .
report ke mutabiq nakseer aik aam mushahida ki jane wali bemari hai, is mein bzahir kisi wajah ke baghair naak se achanak khoon behnay lagta hai .
yeh umooman 6 se 10 baras ki Umar ke bachon mein ziyada payi jati hai, isi terhan 50 se 80 saal ke afraad ko bhi is ki shikayat rehti hai .
mahireen ke mutabiq nakseer naak ke aglay hissay se phoot’ti hai ya phir khoon behnay ka amal naak ke pichlle hissay se shuru hota hai, is ki mandarja zail kasmain hoti hain .
naak ke aglay hissay se nakseer
nakseer photnay se kaisay bacha jaye ? yeh naak ki darmiyani jhilli jo tanhano ko allag karti hai is se phoot’ti hai, is mein bohat saari khoon ki ragein hoti hain. chehray par chout ya naakhun lagnay se bhi nakseer phoot sakti hai .
naak ke pichlle hissay se nakseer
yeh naak ke pichlle hissay ki geherai se behti hai lekin bohat kam halaat mein phoot’ti hai, aksar barri Umar ke afraad ko blood pressure mein izafay ya chehray par chout anay ki soorat mein naak ke pichlle hissay se nakseer behti hai .
yeh janna mushkil hota hai ke nakseer naak ke aglay hissay se beh rahi hai ya is ka makhraj naak ka pichla hissa hai, is liye ke dono sooraton mein khoon fawaray ki soorat mein kharij hota hai aur agar mareez peeth ke bil leyta ho to is ke halaq mein khoon jane ka khatrah hota hai .
naak ke pichlle hissay se anay wali nakseer ziyada khatarnaak hoti hai, aisi soorat mein hungami tor par madad leni chahiye .
nakseer photnay ki mukhtalif wajohaat hoti hain jin mein se chand yeh hain .
adwiyaat ka ghalat istemaal bhi baaz auqaat nakseer photnay ka baais bantaa hai .
naak ke andar zakham hojana bhi nakseer ki aik wajah hai, baaz auqaat ungli ya naakhun lagnay se zakham ho jata hai .
mausam mein tabdeeli se bhi naak ke androoni hissay par assar parta hai, garmi mein khoon ki ragein phool jati hain jo nakseer ka sabab banti hain .
naak ki dakhli jhilli mein zakham honay se bhi nakseer ho sakti hai. allergy se bhi naak ke dakhli hissay mutasir hotay hain jabkay naak mein soozish honay se bhi naak mutasir hoti hai .
nakseer photnay ki aik wajah dil ke amraaz se mutaliq dwayyan bhi hoti hain, un ke mutabiq jigar, gurday aur khoon ki bimarion mein mubtala afraad umooman nakseer ki bemari ka ziyada shikaar hotay hain .
baar baar photnay wali nakseer se bachney ke bohat se tareeqay hain jin mein se chand yeh hain .
nakseer photnay se kaisay bacha jaye ? fiza mein nami ka tanasub durust rakhnay ke liye ghar mein heomedifire ka istemaal karen .
naak mein kharish karne se parhaiz karen .
aspreen ka istemaal kam se kam karen, is se khoon patla hota hai aur nakseer ka zareya bantaa hai .
jin afraad ko nakseer photnay ki shikayat ho woh spre ya jail istemaal kar ke naak ke androoni hissay ko tar rakhen .
