motapay ke baais corona se mout ka khatrah barh jata hai
motapay ke baais corona se mout ka khatrah barh jata hai, motapay ke shikaar afraad ke corona virus se halakat ke khatraat ziyada hain aur zurori nahi ke sirf ziyada Umar ke afraad hi corona se mutasir ho rahay hon, motapay ka shikaar kam Umar afraad bhi ho satke hain .
London ki public health England ( PHE ) ki aik report mein kaha gaya hai ke jin logon ko motapa ya ziyada wazan hojata hai un ko Covid 19 se mout ya shadeed bemari ka khatrah la-haq hota hai
ghair mulki idaray ke mutabiq mahireen ka kehna hai ke motapay aur corona virus ka qareebi talluq hai, motapa saans ki naali mein infection ka khatrah barha deta
public health England ( PHE ) nay bataya ke adaad o shumaar se pata chalta hai ke 30. 35 saal ki Umar walay logon ke liye Covid 19 se amwaat ka khatrah 40 feesad barh gaya hai aur 40 saal se ziyada Umar walon mein 90 feesad izafah hwa hai, PHE ke mutabiq England mein taqreeban 63 sad baaligh afraad zayed wazan ya motapay ka shikaar hain .
mazeed parheen corona virus baat cheet se bhi phail sakta hai, tehqeeq main inkashaf
