mosam e bahhar ki kachnar, mufeed sabzi
mosam e bahhar ki kachnar, mufeed sabzi, kachnar mosam e bahhar ki umdah sabzi hai. kachnar ke phool, is ki chhaal aur phalian tbbi o ghizai khususiyaat ki haamil hain .
kachnar ka darakht aur is ki phali pak o hind main kachnar ke naam se bhi mashhoor hai. kachnar ke phoolon par phalian lagti hain jo terhan terhan se hamari khoraak jazo banti hain. kachnar ka darakht darmiyanay qad ka hota hai aur umooman 10 se 12 meter tak buland hota hai. is ka asal watan janoobi asia aur chain hai. kachnar ka scienci naam bauhinia variegata hai .
baghair phool khulay kachnar bator sabzi pakai jati hai. is ka saalan bohat lazeez hota hai. is phali ke ajza mein namkiyat aur vitamin si shaamil hotay hain. kachnar khoon saaf karne ke liye mashhoor hai. is ke darakht ki chhaal bhi masfi khoon hai aur khoon ki kharabion ko daur karti hai. maahir tabeb usay amrazِ khoon mein mukhtalif tareeqon se istemaal kerwatay hain .
is ke mukhtalif tibbi khawaas hain. is ki sookhi phaliyon ke sufoof se ishaal mein afaqa hota hai jab ke is ki kaliyan sard aur qaabiz hain. surkh kachnar ki jarr ka joshanda pilanay se zeaf haazma daur hojata hai. kachnar ke phoolon ka Gul qand bhi bana krastamal karte hain. pishaab ke amraaz daur karne mein kachnar ki sabzi khanay se faida hota hai. kachnar der se hazem hoti hai lehaza maaljin kehte hain ke usay baghair adrak aur garam masalay ke nahi khana chahiye. agar kachnar mein bakray ka acha gosht shaamil karkay khayen to be had lazeez hota hai aur jism ko khoob taqwiyat bakhshta hai .
atba maida ko taaqat dainay aur khoon saaf karne ke liye kachnar ki chhaal ko makhsoos tareeqay se shehad mein mila kar peenay ko dete hain. isi terhan antadiyon aur pait ke keeray maarny ke liye kachnar ka joshanda tajweez karte hin jo bohat mufeed hai .
tbbi mahireen ke liye kachnar blood pressure ke mareezon ke liye behtareen sabzi hai. jigar ka waram daur karne ke liye bhi kachnar se madad li jati hai aur is ki jarr ki chhaal ka joshanda bana kar piinaa faida deta hai. mahireen ke mutabiq is ki chhaal ke ras mein kafoor ya zeera mila krastamal karne se jigar ki garmi rafa hoti hai .
