Mjhy q nikala? nakamay nojawan ka apni walida aur khala per muqadma
Mjhy q nikala? nakamay nojawan ka apni walida aur khala per muqadma, guzashta mah mexico ke aik 30 sala nojawan ne apni sagy walida aur khaala ke khilaaf muqadma kardiya jis mein moaqqaf ikhtiyar kya ke un dono ne usay ghar se dhakkay day kar nikala, is ka samaan bhi bahar pheink diya, is par pani bhari baltyan ulat den aur phir usay jharoan se khoob mara petta .
tafseelaat ke mutabiq karaschiyan yoreal Nami aik nojawan ne pichlle mahinay mexico ke dftrِ insaaf ( prasikyotrz office ) mein apni walida aur khaala ke khilaaf muqadma darj karaya jis mein un dono par mtshdd hamlay aur hirasani ka ilzaam lagaya gaya tha. Albata is ne adalat ko poori baat nahi batayi .
jab is ki walida aur khaala ko paish kya gaya to unhon ne yoreal ko zad o kob karne ka aitraaf karte hue bataya ke yeh larka is qader nikamma hai ke 30 saal ka hojane ke bawajood nah to koi mulazmat karta hai aur nah hi kuch kama kar lata hai ke jis se ghar ke akhrajaat poooray hosakin .
yeh poora din ghar mein para aaraam karta rehta hai ya phir video game kheltaa rehta hai. yahi nahi balkay jab is se ghar ka koi kaam karne ya kisi kaam mein haath batanay ke liye kaha jata hai to yeh is mein bhi koi taawun nahi karta. nateeja yeh hai ke is ki walida aur khaala ko burhapay mein bhi doosri jaghon par kaam karkay ghar ka kharcha chalana parta hai, balkay ghar ke saaray kaam bhi un dono buzurag khawateen hi ko karne parte hain .
unhon ne kayi baar is se kaha ke woh nikamma pan chore kar mehnat kere aur ghar ke akhrajaat mein un boorhi aurton ka sahara banay, lekin is ne dhatai ikhtiyar kiye rakhi. corona waba mein lock down ka bahana bana kar is ne kuch bhi nahi kya lekin jab mexico mein lock down khatam hogaya aur kaarobar khilnay lagey to phir bhi woh dhatai se ghar mein hi para raha .
is ki un hi harkato se tang aakar is ki walida aur khaala ko yeh sab kuch karna para kyunkay aik jawan mastanday ka boojh un ki bardasht se bahar hochuka tha .
adalat ne is muqadmay ka kya faisla kya? is baray mein abhi tak koi khabar nahi aayi hai.
