Miyan biwi mai dill ki sehat b ek jesi huty hai
Miyan biwi mai dill ki sehat b ek jesi huty hai, tbbi mahireen ka kehna hai ke miyan biwi ki adaten aur shakal soorat aik jaisi ho ya nah ho, un mein dil ki sehat aik jaisi zaroor hojati hai .
yeh mutalea America mein 5400 joron par kya gaya jis mein mard o zan ki qalbi sehat ka jaiza liya gaya. un tamam joron ki Umar 39 se 55 saal ke darmiyan theen, yani woh udhair Umri ki dehleez par qadam rakh chuke thay .
dil ki sehat jhanchne ke liye’ ‘ american heart association’ ‘ ke mutayyan kardah 7 pehluo ko bunyaad banaya gaya jin mein cigrette noshi, jismani sargarmi, sehat bakhash ghiza, majmoi cholesterol, blood pressure, subah nashtay se pehlay ki blood sugar aur body mass index ( wazan aur qad ki munasbat se jism mein charbi ki miqdaar ) shaamil hain .
un saton pehluo ko mad e nazar rakhtay hue jahan yeh saabit hwa ke joron ki qalbi sehat aik jaisi hoti hai, wahein yeh bhi maloom hwa ke America mein 80 feesad joron ke dil achi haalat mein nahi : un saat mein se beshtar ki alamaat manfi rujhanaat aur kharab qalbi sehat ki taraf ishara kar rahi theen .
is tehqeeq ki nigaran dr Samia mora ka kehna hai ke is Umar mein dil ki kharab sehat tashweesh naak hai kyunkay Umar bherne ke sath majmoi sehat waisay bhi kharab tar hoti jati hai .
Albata , is mutalay mein aik khaami ki bhi nishandahi ki gayi hai : is mein yeh nahi bataya gaya ke zair-e mutalea mard o zan kitney saal se aik dosray ke sath reh rahay hain .
