mausam ki oat se zahir hotay khush rang aur khush zayega phal
mausam ki oat se zahir hotay khush rang aur khush zayega phal, mausam badalta hai to is ka assar hamari tabiyat, mizaaj, pehnave aur pakwaan waghera par bhi parta hai. mausam ke lehaaz se bazaar main sabzian aur phal nazar anay lagtay hain aur hamari ghiza aur khoraak mausam ki munasbat se tabdeel hojati hai .
sardiyoon ne apni aamad ka ishara day diya hai aur jaisay jaisay mausam tabdeel ho raha hai, bazaar mein mosam e sarma ke phal bhi nazar arhay hain. yun to har mausam ka koi nah koi khaas phal zaroor bazaar mein mojood hota hai, lekin sardiyoon main aanar aur kinnu ko khaas shumaar kya jata hai .
mosam e sarma ke yeh phal jahan hamari ghizai zaroorat poori karte hain, wahein hamaray liye sehat aur tawanai ka khazana saabit hotay hain .
kya aap jantay hin ke sardiyoon ke woh kon se phal hin jo khush rang aur khush zayega hi nahin hin balkay un ki taseer aisi hai ke yeh sard mausam ke muzir asraat se hamari hifazat karte hain aur mukhtalif bimarion se bachatey hain .
folaad ya iron se bharpoor phal saib ke ilawa ab ap aanar aur amrood jaisay khush rang aur khush zayega phal bhi aasani se khareed satke hain jo is mausam mein bakasrat baagaat se bazaron tak pahunchte hain. un ke ilawa angoor, nashpati, kiwi bhi is mausam mein aasani se dast yab hon ge .
tibbi mahireen ke mutabiq mausam ke lehaaz se phalon ka istemaal zaroor karna chahiye, lekin mukhtalif amraz jaisay diabities, fashar e khoon, maiday aur jigar ki takaleef main mubtala logon ko is silsilay main –apne mualij se mahswara karna chahiye .
