mask laganay se chehray par peda honay wali acne aur black heads se kaisay nijaat payen ?
mask laganay se chehray par peda honay wali acne aur black heads se kaisay nijaat payen ?aaj kal chehray par mask lagaye rakhna nihayat zaroori hai jis ki wajah se chehray par acne nikal aana mamool ki baat ban gayi hai, taham is maslay ko nihayat aasani se hal kya ja sakta hai .
dr batool ne chehray ke black heads, white heads aur acne se nijaat ka nihayat aasaan nuskha bataya .
unhon ne kaha ke sab se pehlay do chamach pani len, is mein aik minute ki tablet dalain jo bazaar mein aam mil jati hai. is mein aik chamach khushk doodh aur aik chamach corn flour shaamil karen .
is ko mix karen aur is amezay ko chehray par 15 se 20 minute ke liye laga len, is ke baad chehray ko saaf pani se dho len .
dr batool ne bataya ke is amezay se black heads aur white heads waghera khud hi nikal atay hain, agar yeh fori tor par nah nikleen to usay dosray din bhi lagayen .
unhon ne bataya ke expire hojane wala khushk doodh bhi jald ke liye nihayat mufeed hai, expire hojane walay khushk doodh mein lectic acid aur aur aisay bacteria peda ho jatay hain jo jald ke liye faida mand hain, usay chehray par laganay se jald nihayat naram o mulaem hojati hai .
