manfi soch ke haamil afraad ko science dano nay khabardaar kardiya
manfi soch ke haamil afraad ko science dano nay khabardaar kardiya, science daano ka kehna hai ke dosaron par tanz, hasad aur bughz karne walay afraad ki qabal az mout honay ka imkaan bohat ziyada hota hai .
ghair mulki idaray ki report ke mutabiq America ki university of tinsi ke science daano nay apni tahaqeeq mein bataya hai ke dosaron par tanz karne, hasad, bughz aur keena jaisay manfi jazbaat rakhnay walay logon ki qabal az-waqat mout honay ka imkaan bohat ziyada hota hai, aisay log dil ke aarzay mein ziyada mubtala hotay hain aur inhen dil ka dora parney ke imkanaat barh jatay hain .
is tahaqeeq mein science daano nay dil ke aarzay se bach niklny walay 2300 afraad mein royie ki aadaat ka muaina kya, nataij mein maloom hwa ke jo log mazkoorah manfi aadaat ke maalik they un ko aglay do saal ke andar hi doosri baar heart attack anay aur is se un ki mout honay ka khatrah misbet jazbaat rakhnay walay logon ki nisbat kayi gina ziyada tha .
tehqiqati team ki sarbarah trisi vitori ka kehna tha ke hamari tahaqeeq mein is baat ke shawahid samnay aaye hain ke ensaan ka hamesha manfi soch aur manfi rawayya apane rakhna is ki zehni o jismani sahet ke liye intahi nuqsaan da hota hai .
science daano ke mutabiq aisay logon mein apni dekh bhaal karne ka rujhan bohat kam hota hai aur yeh log cigrette o sharaab noshi ki taraf ziyada Raghib hotay hain. un ki khoraak aur tarz zindagi intahi naaqis hota hai. yahi woh wajohaat hain jo un logon mein dil ke aarze samait deegar amraaz ka sabab banti hain aur un ki jald mout honay ka imkaan barh jata hai .
