Majboor baap aur lachar beti
Majboor baap aur lachar beti, kayi dinon se mukhtalif ilaqon ki union council mein banay ehsas programme ke earzi dafatir ke bahar secron buzurag, khawateen, bachay aur nojawan dhoop mein jhulastey nazar arhay hain. guzashta roz subah 7 bujey qareeb ehsas programme ke earzi daftar ke samnay se guzarte hue aik barri Umar ki khatoon ko rotay hue dekh kar mein ne bike un se thori daur agay jaakar rokkk di. himmat nahi horahee thi ke kis terhan baat karoon, kyun ke maamla khatoon ka tha. kuch der unhein daikhta raha, itnay mein aik buzurag mere paas se guzray aur khatoon ke paas jaakar baith gaye. mujhe yeh acha mauqa mil gaya ke chalo ab baat karna mumkin hojaye gi .
mein dheelay qadmon se buzurag ke paas jaakar un ke sath baith gaya. baat kis terhan shuru ki jaye ab yeh tay karna tha. mein ne waisay hi onche aawaz mein keh diya ke yeh log sirf ghareebon ko zaleel karne ke liye bulatay hain, jo kharcha deta hai is ka kaam hojata hai aur jo nahi deta woh hamari terhan zaleel o khawar hota hai. baba jee ne meri taraf dekhte hue kaha’ ‘ beta sahih keh rahay ho. mein aik haftay se rozana subah saarhay chay bujey apni beti ko le kar araha hon, magar andar jane ki ijazat abhi tak nahi mili. jo police aur un ke logon ko paisay day rahay hain sirf wohi andar jarahay hain’ ‘ .
Majboor baap aur lachar beti ‘ hamari guftagu ke douran woh khatoon baar baar –apne galoon par phisaltay ansoo ponch rahi theen. mein ne baba se poocha’ ‘ yeh aap ki beti hain ?’ ‘ baba ne jawab diya’ ‘ haan yeh meri ekloti aulaad hai, magar naseeb hum dono ka hi kharab hai’ ‘ .
mein ne poocha woh kaisay? to baba ne jawab diya ke hum ne –apne wasail mein rehtay hue usay laad pyar se paala. metric tak parhaya aur phir shadi ki Umar honay par is ki shadi kar di. mera damaad bohat acha tha. is ne meri beti ka bohat khayaal rakha. phir aik din woh kaam par gaya to wapsi par is ki laash ghar aayi. yeh lamha hamaray oopar qayamat se kam nahi tha. beti dekhte hi dekhte bewa hogayi aur phir wapas mere paas aagai. kyun ke jis makaan mein woh rehti thi woh kiraya ka tha. sasural walay khud karaye par rehtay thay is liye woh is ka boojh uthany se mana kar chukay thay. mein to baap tha, is liye usay –apne paas le aaya. is ki maa apni beti ke gham mein itni nidhaal hui ke damaad ke guzarnay ke do mah baad hi woh bhi hum se daur chali gayi .
mein un ki baatein sun raha tha aur andar hi andar roye ja raha tha. aik ghar par qayamat guzar gayi aur kisi ko maloom tak nah hwa. mein ne poocha baba jee aap ke damaad ka intqaal kaisay sun-hwa tha? baba ne jawab diya ke woh subah kaam ke liye ghar se nikla aur shaam ko wapsi par bas ka accident hogaya. is ka dost bhi is bas mein tha, woh hi is ki laash le kar ghar aaya tha. warna hum to is insanon ke jungle mein usay dhoondtay dhoondtay hi mar jatay. aik nawasi hai meri, jo abhi sirf 13 mah ki hai. nah is ke baap ne is ka mun dekha aur nah hi nani ne usay apni goad mein khilaya. dono aisay hi chalay gaye. mein ne barri himmat karkay poocha ke phir ghar kaisay chalta hai? kon kamata hai? baba ne kaha ke mein pheri ka kaam karta hon. pehlay meri beti polio mein kaam karti thi, ab woh bhi khatam hogaya hai to yeh ghar mein silai karti hai. bas isi terhan se guzaraa ho raha hai. maalik makaan ko kiraya waqt par chahiye, is liye kuch bhi karkay usay waqt par kiraya dete hain aur bil bhartay hain, chahay phir hamaray pait mein kuch jaye ya nah jaye .
baba ki kahani intehai dard naak thi. har kisi ko apna gham bara lagta hai. magar haqeeqat to yeh hai ke jab hum kisi aur ka dukh suntay hain to hamein apna dukh intehai chhota mehsoos hota hai. baba se jab is ki beti ke ronay ki wajah poochi to baba ne bataya ke beeet almaal walon ke paas bhi gaye thay. woh kehte hain ke pehlay shanakhti card –apne shohar ke naam par bnwao phir kuch karen ge. jab shanakhti card banwanay jatay hain to wahan woh kehte hain ke shohar ka shanakhti card khatam hochuka hai, naya banay ga. phir aap ki beti ke naam par shanakhti card banay ga. ab mein bhala marey hue shakhs ko kaisay wapas le kar aon. pehlay rozana subah naadra ke daftar jatay thay, ab yahan atay hain, bas aaj kal hamaray sath yahi ho raha hai. nah wahan se koi kaam bantaa hai aur nah hi yahan walay koi aasra dainay wala hai. ehsas programme par messege kya tha to pata chala hamara naam hi nahi. yeh kaisa programme hai jahan hum jaisay majboor o lachaar logon ka naam nahi. baqi sab ko paisay mil rahay hain. itna keh kar baba jee thori der chup hue aur aankhon mein aayi nami ko –apne daman se saaf karte hue phir goya hue’ ‘ shayad hum bohat ziyada majboor o lachaar hain is liye hum is programme ke ahal nahi’ ‘ .
Majboor baap aur lachar beti’ un ki saari baatein dil ko cheer rahi theen. mein un hi ki baton ko soch soch kar pagal hue ja raha tha aur mujhe maloom tak nah hwa ke woh baap beti kab mere barabar se uth kar chalay gaye. nah koi address diya aur nah hi koi rabita number le saka. kaafi der inhen talaash kya magar woh kahin nazar nah aaye. mein un ki talaash mein teen din tak lagataar subah 7 bujey yahan aata raha magar woh baap beti kahin dikhayi nah diye. shayad woh is farsodah system aur nainsaf muashray se bilkul mayoos hokar phir se apni rozi roti ki talaash mein jat gaye hon ge. shayad aik din koi aisi khabar bhi miley ke aik ghar se baap, beti aur chand mah ki choti bachi ki laash bar aamad. wajah mout’ ‘ bhook’ ‘ thi .
Imran Khan ko sirf wazeer e azam hi ban-na tha to waisay hi keh dete, log vote day kar wazeer e azam banava dete. magar kam se kam majboor o lachaar logon se aisay waday nah karte jo do saal guzarnay ke baad bhi poora nah kar sakay. shayad wazeer e azam ko is baat ka ehsas tak nahi ke awam kaisay jee rahay hain. pehlay roti awam ki pahonch se daur thi, ab aik, aik niwala awam se daur hota ja raha hai. ehsas programme zaroor ehsas ki bunyaad par shuru kya gaya hoga, magar yeh ehsas programme tak rasai sirf un logon ki hai jo party workers se alik slack rakhtay hain, jin ki party mein suni jati hai. baqi koi ghareeb o Majboor baap shakhs is programme ke aas paas bhi nahi phatak sakta .
Majboor baap aur lachar beti’ jadeed technology ka daur hai. wazeer e azam ne parhi likhi kabeena ka intikhab kya, parhay likhay nojawanon ko agay laane ki soch di aur yaqeen dilaya ke yeh log malik sambhaal len ge. magar woh shayad yeh baat bhool chuke thay ke yeh woh hi nojawan hain jo yahin se parh likh kar agay aaye hain, jin ke paas sirf degreeian hain, kaam karne aur usay paya takmeel tak pohanchanay ka koi hunar un ke paas nahi. tajurbah car logon ko mun tak nahi lagaya jata. sirf wohi shakhs aap ke ird gird pahonch sakta hai jo aap ki wah wah mein zameen aasmaa aik kardey .
wazeer e azam aur un ki fouj Zafar mouj ko sirf itna hi kehna chahoon ga ke waqt aur halaat hamesha aik jaisay nahi rehtay. barray barray badshahon ko ayrhyan rgertay hue tareekh ne dekha hai. aap siyasi mafahmati ka khail shoq se kheliya magar itna zaroor yaad rakhiye ke ghareeb ko roond kar nah to yeh malik taraqqi karsaktha hai aur nah hi aap ki soch. jald ya der aap bhi waqt ki gardish mein hon ge. phir yaad kiijiye ga ke kisi ghareeb ka bhook se marna kisay kehte hain .
