maiday ki tezabiyat aur is ka ilaaj
maiday ki tezabiyat aur is ka ilaaj, seenay mein honay wali jalan ko aam tor par tezabiyat bhi kaha jata hai kyun ke yeh waqai tezaab ka bahao hai jo aap ke maiday se ghizai naali mein aata hai aur dard peda karta hai, hum sab is takleef da jalan se waaqif hain jo chit patti ya zaroorat se ziyada khana khanay ke baad mehsoos hoti hai .
maiday ki tezabiyat aik aam bemari hai. is se pait mein shadeed dard aur jalan ka ehsas hota hai, jo baaz auqaat halaq ke pichlle hissay tak bhi ja sakta hai balkay kuch logon ko aisa bhi mehsoos hota hai ke khoraak gilaay mein wapas aa rahi hai aur bilkhushoos raat ko sotay waqt saans lainay ka masla bhi ho sakta hai .
tehqeeq ke mutabiq maiday ki tezabiyat ki wajah se shadeed khansi hosakti hai. pait mein tezabiyat ziyada murgan aur bhaari khana khanay ke baais ya phir deegar wajohaat ki bana par bhi ho sakti hai, haamla khawateen ko bhi is ki shikayat ho sakti hai .
maiday ki tezabiyat aur is ka ilaaj, agar maiday mein tezabiyat daimi shakal ikhtiyar karjaye to kuch ashya aisi hain jin ke khanay se is par qaboo paaya ja sakta hai jaisay badam, kela, shehad, charbi ke baghair gosht, anaaj aur phalian waghera .
adwiyaat mein adrak ka istemaal zamana qadeem se hota araha hai aur yeh tezabiyat ke liye bhi aik mufeed ghiza hai. bud-hazmi mein is ka behtareen istemaal yeh hai ke green tea ke sath adrak bhi chabian. yahi wajah hai ke aksar hotlon mein green tea kay sath adrak aur podina bhi diya jata hai .
is ke ilawa gur mein magnisium wafar miqdar mein mojood hai jo nizaam hazem ko qowat bakhshti aur tezabiyat ko khatam karti hai. khanay ke baad gur ka chhota sa tukda mun rakh kar chosay. is ke istemaal se jism ka darja hararat bhi kam aur tezabiyat ko bhi daur karta hai .
parhaiz :
agar aap maiday ki jalan ka shikaar hain to soft drinks se parhaiz karen, yeh mashrobat maiday mein mukhtalif gasson ko jama karkay maiday ki takleef ko barhati hain .
maiday ki tezabiyat aur is ka ilaaj, is ke ilawa tursh phal jaisay lemoo, sangtrah waghera khanay se bhi parhaiz karen, tursh phalon mein tezabiyat hoti hai woh maiday ki tezabiyat badhaane mein ahem kirdaar ada karte hain .
kaafi jahan bohat se logon ke liye zehni sukoon ka baais banti hai wahein pait ki tezabiyat mein izafah bhi karti hai. is ka istemaal seenay ki jalan ka bhi sabab bantaa hai .
