Bartanwi dar-al-hakoomat London mein 17 manzila imarat mein aag lagnay se 18 afraad zakhmi hogaye .
tafseelaat ke mutabiq janoobi London ke ilaqay mein waqay 17 manzila rehaishi imarat mein aag lag gayi jis ke nateejay mein 18 afraad zakhmi hogaye. police hakkaam ke mutabiq haadsay mein zakhmi honay walay afraad ko tibbi imdaad ke liye hospital muntaqil kar diya gaya .
aag lagnay ki ittila milnay par fire brigade ke ahelkaar jaye waqooa par puhanche, 60 fire fighter aur 8 fire engine aag bujhanay ke amal mein masroof hain .
fire brigade hakkaam nay bataya ke 17 manzila imarat ke ground flour ke flat mein lagnay wali aag par qaboo pa liya gaya hai, aag lagnay ki wajah maloom nah hosaki, is hawalay se tehqiqaat jari hain .
