loki sehat bakhash hi nahin dafaa amraaz bhi hai
loki sehat bakhash hi nahin dafaa amraaz bhi hai, loki, vitamins aur minerals ka majmoa hai aur aik sehat bakhash sabzi hai. usay kayi amraaz aur jismani takaleef se nijaat haasil karne ke liye istemaal kya ja sakta hai .
yeh sabzi vitamin si, ke, ae, e, potassium aur mignishim ke husool ka behtareen hai aur is mein banway fi sad pani jab ke sifar calories hoti hain .
loki mein iron aur zank jaisay zaroori madniyaat bhi qudrati tor par paye jatay hain .
loki thandhi taseer rakhnay wali sabzi hai jis ka juice bhi mufeed hai. is ka juice diabities ke mareezon mein khoon mein sugar ki satah ko mustahkam karta hai aur blood pressure ko barqarar rakhta hai .
mahireen ghizaiyat aur mualij loki ko cholesterol, sugar level barqarar rakhnay aur blood pressure mutawazan rakhnay ka zareya batatay hain .
loki ke juice ke fawaid main jism mein thandak mein peda karna aur khaas tor par garmiyon mein maiday ko thanda rakhna shaamil hai. is sabzi ka juice alsar ke mareezon ke liye behtareen ilaaj samjha jata hai .
loki ke juice se wazan kam karne mein madad millti hai. is ka sabab woh fibre hai jis se koi bhi ziyada der tak shikam Sairy mehsoos karta hai aur is main calories ki miqdaar bhi kam hoti hai .
is sabzi se dil ki sehat bhi aur hifazat bhi hoti hai. mahireen ke mutabiq har subah khaali pait loki ka juice peenay se khoon mein cholesterol ki satah kam karne mein madad millti hai jis se dil ke af-aal behtar tareeqay se injaam paate hain .
loki mein aik qisam ka nyoro transmitter paaya jata hai jo dimagh ke af-aal ko behtar bananay mein madad karta hai. is ka juice tanao, afsurdagi aur deegar zehni awarz se bachney main madad deta hai .
loki ka juice pait ki takaleef aur masail main bhi faida deta hai. yeh qabz khatam karta hai aur is sabzi main mojood pani aur fibre hamaray nizam haazma ko behtar banata hai karne mein madad karta hai .
loki ko sabzi ke tor par istemaal kya jaye ya is ka juice nikaal kar piya jaye, yeh mosam e garma aur sardiyoon mein bhi –apne qudrati ajza ki wajah se hamari jismani aur zehni sehat ke liye mufeed hai .
