lemoo ka herat angaiz faida, social media sarfeen choank athay
lemoo ka herat angaiz faida, social media sarfeen choank athay,australvi khatoon ne sirf aik lemoo ki madad se mayikrvoyo oven ko chamka kar dekhnay walon ko herat zada kardiya, unhon ne oven ki safai ka tareeqa bhi bataya hai .
ghair mulki idaray ki report ke mutabiq Australia se talluq rakhnay wali khatoon ne lakhoon sarfeen par mushtamil Facebook group mein oven ki tasaveer share kee aur bataya ke is ne lemoo ke zariye kis terhan oven ki safai ki .
khatoon ny bataya ke is ny pehli oven ke oopar lemoo ka ras nichora is ke baad gird alood jaghain par achi terhan Mil diya aur phir oven ko 25 minute ke liye chore diya, baad azan pani se dhoney se woh bilkul chamak daar hogaya .
un ka kehna tha ke lemoo ke ras ko bartan manjhnay wali shai se achi terhan ragadnay se behtareen nataij samnay atay hain .
Facebook group mein mojood deegar khawateen ny is iqdaam par herat ka izhaar kya, un ka kehna tha ke woh bhi isi terhan –apne oven ko dhowen gi, baaz ny mahswara diya ke hum lemoo se deegar bartan ki bhi safai kar saktay hain .
