larkana Sindh ke shehar larkana mein karona zada qarar day kar khatoon ki tadfeen kar di gayi, tadfeen ke baad khatoon ki report manfi aagai .
larkana ke chandka hospital mein khatoon ka zichgi ke douran intqaal hwa, hospital intizamia ki janib se karona zada qarar day kar tadfeen kar di gayi baad mein khatoon ki karona report manfi aagai .
zaraye ka kehna hai ke hospital intizamia ny haamla khatoon ko pehlay hi nazla, bukhaar ki alamaat ke sabab karona mareez qarar diya tha, khatoon ke haan bachay ki paidaiesh hui, nomolood ki report bhi manfi aagai .
zaraye ke mutabiq hospital intizamia ki janib se khatoon ki baghair ghusal o kafan ke plastic mein lapait kar tadfeen kar di gayi, shohar aur ghar walon ko aakhri deedar taq nah karne diya gaya .
hospital intizamia ka muaqqaf hai ke khatoon ko ahteyati tadabeer ke tor par isolation mein rakha tha, agar khatoon ki report pazito ajati to bohat se log karona se mutasir ho saktay they .
Sindh mein 24 ghantay ke douran karona se mazeed 14 amwaat
wazeh rahay ke is se qabal wazeer e aala Sindh morad Ali Shah ny karona virus ki soorat e haal se mutaliq –apne pegham mein kaha tha ke Sindh hukoomat ny karona virus ke kal 3534 test kiye, soobay mein 24 ghanton ke douran 453 naye kisz report hue .
morad Ali Shah ka kehna tha ke karona virus ke mareezon ki tadaad 9093 hai jabkay 24 ghanton mein mazeed 14 afraad intqaal kar gay jis ke baad jaan bahaq afraad ki tadaad 171 hogayi hai .
