kya mehwish hayaat corona virus ka shikaar hogyin ?
kya mehwish hayaat corona virus ka shikaar hogyin ? adakara mehwish hayaat neh corona virus mein mubtala honay ki khabron ko mann gharat aur jhooti qarar day diya .
Pakistani showbiz industry ki ba-salahiyat aur khubaru adakara mehwish hayaat se mutaliq bhi social media par yeh khabrain gardish kar rahi theen ke mehwish hayaat Covid 19 ki mohlik tareen waba ka shikaar hogayi hain .
jab virus se mutasir honay ki khabrain showbiz pages par bhi chalaye jane lagen to mehwish hayaat neh apna wazahati bayan jari karte hue mazkoorah khabron ki tardeed ki .
unhon ney –apne tweet mein krona virus se mutasir honay ki khabar ka screen shot share karte hue usay jhoot qarar diya .
mehwish hayaat nay kaha ke media se bas yahi guzarish karoon gi ke aisi jhooti aur mann gharat khabrain phelanay se pehlay aik phone karkay tasdeeq kar lete to behtar hota .
adakara ka kehna tha ke is terhan ki khabrain phelnay se mazkoorah shakhs aur is ke ahal khanah ko shadeed pareshani ka saamna karna parta hai, lehaza sirf –apne followers badhaane ke liye aisi afwahen phelanay se guraiz karen .
khayaal rahay ke is se qabal adakara sakeena siimo, nida yasir aur rubina Ashraf se mutaliq bhi aisi hi afwahen vayrl huien theen jis par mazkoorah afraad ya un ke ahal khanah ki janib se wazahati bayan jari karkay afwahon ki tardeed ki gayi thi .
