khawateen mein iron ki kami ki alamaat kon si hain ?
khawateen mein iron ki kami ki alamaat kon si hain ?hamaray jism mein mojood madniyaat ki munasib miqdaar jism ko sehat mand rakhnay ke liye zaroori hai, un ki kami ya zayad-ti paicheeda tibbi masail ka sabab ban sakti hai, unhi mein se aik iron bhi hai .
iron jism mein kayi ahem kaam sir injaam deta hai, is ke zariye jism ko oxygen ki muntaqili hoti hai aur pathon ki naqal o harkat hoti hai, jism mein khoon ki kami ki sab se barri wajah iron ki kami hoti hai .
aalmi idaara sehat ke mutabiq is waqt duniya bhar mein 33 feesad ghair haamla khawateen, 40 feesad haamla khawateen aur 42 feesad bachay iron ki kami ka shikaar hain .
khawateen mein iron ki kami ki alamaat kon si hain ? aik report ke mutabiq iron ki kami baaligh afraad par bhi manfi asraat muratab karti hai, jaisay thakawat, naaqis jismani karkardagi, kaam mein Adam dilchaspi waghera .
haamla khawateen mein iron ki kami ki wajah se himo globn, wazan aur hamal ki muddat mein kami ho sakti hai .
diet of town cilinic se talluq rakhnay wali maahir ghiza Abeer abbu rajeeli ne khawateen mein iron ki kami ki alamat ke baray mein bataya hai .
thakawat
agar aap intehai thakawat ke sath mood ki kharabi aur kamzoree mehsoos karti hain, jis se aap ko soch bichaar mein mushkil paish aati hai aur jismani sargarmia bhi nah honay ke barabar hain to aap iron ki kami ka shikaar hain .
aankhon ke gird halqay
aankhon ke gird siyah halqay hona khoon mein iron ki kami ki alamat hai, agar aap is mushkil ka shikaar hain to aap ko dr se mahswara karna chahiye .
chakkar aana aur sir dard
jism mein iron ki kami sir dard aur jism mein dard ka sabab banti hai lekin yeh itna aam nahi jitni doosri alamaat hain .
dil ki dharkan mein taizi
dil ki dharkan mein taizi jism mein iron aur khoon ki kami ki sab se aam alamaat mein se aik hai, kyunkay himo globn ki kami oxygen ki kami ka sabab banti hai .
saans lainay mein dushwari
jab himo globn ki satah jo poooray jism ko oxygen fraham karti hai, kam hojati hai to is se chalne ya kisi bhi sargarmi ke waqt thakawat aur saans mein rukawat ka ehsas hota hai, is ka matlab hota hai ke aap ke jism mein pathon ko kaam karne ke liye matlooba oxygen nahi mil rahi hai .
iron ki kami ki soorat mein dr se rujoo karen aur is ki Hadayat ke mutabiq dawa o ghiza kaa stamal karen .
