khawateen hooshiyar : ghair mayaari make up ki barri khaip pakri gayi
khawateen hooshiyar : ghair mayaari make up ki barri khaip pakri gayi, Saudi hukoomat ne ghair qanooni kaarobar karne walon kay khilaaf sakht karwai ki hai, food authority ke amlay ke hathon ghair mayaari make up bananay walon ki shamat aagai .
Saudi food and drug authority (SFDA ) ne ghair mayaari make up ke terah laakh box zabt karkay 6 godaam sale kiye hain. Saudi idaray ke mutabiq SFDA ne bataya ke tafteeshi teamon ne mutadid godamon par chaapay maaray hain, chhapa
muhim ke douran mutadid khilaaf varziyan record par ayen, sab se ahem khilaaf varziyan jo record par ayen un mein se sab se ahem to yeh thi ke yeh godaam baghair licence ke kaam kar rahay thay .
doosri barri khilaaf warzi yeh record ki gayi ke intehai na munasib mahol aur khilaaf zabita tareeqay se make up ka samaan zakheera kya gaya tha .
teesray barri khilaaf warzi yeh note ki gayi ke packing aur istemaal ki tarikhon mein bhi radd o badal kya gaya tha .
chothi khilaaf warzi yeh samnay aayi ke make up ki kayi s cheeze jo SFDA yahan registered nahi theen woh bhi yahan zakheera ki gayi theen, khilaaf warzi karne walay godamon ke khilaaf qanooni karwai ki jarahi hai .
SFDA ne sarfeen se kaha hai ke jahan bhi woh ghair qanooni sar garmion ka mushahida karen pehli fursat mein 19999 par rabita karkay mutala karen. ilawa azeen tamni app ke zariye bhi mutala kar saktay hain jo aayi o s aur android system par muhayya hai .
SFDA ne saal rawan ki pehli shahmahi ke douran mumlikat ke mukhtalif ilaqon mein 7284 chaapay maar kar chalees million se ziyada ghair mayaari make up ke box zabt kiye aur 1105 khilaaf varziyan record kee.
