shehar quied ke ilaqay naazim abad mein patang ki dor ny aik aur nanhay bachay ki jaan le li .
Karachi ke ilaqay naazim abad 2 number ke qareeb do sala bacha –apne walidain ke sath motorcycle par jatay hue patang ki dor gilaay par phirnay se zakhmi hwa aur hospital poanch kar dam toar gaya .
police ka kehna hai ke 2 sala Sufyan –apne walidain ke sath motorcycle par ja raha tha ke naazim abad 2 number ke qareeb gilaay mein patang ki dor phirnay se zakhmi hogaya, bachay ko fori tor par abbasi shaheed hospital muntaqil kya gaya taham woh zakhamo ki taab nah laatay hue khoon ziyada beh janay ke sabab dam toar gaya .
bachay ke walidain ka kehna hai ke abbasi shaheed hospital mein ghanton taq police ki karwai ka intzaar karte rahay lekin police haadsay ke do ghantay baad hospital pohanchi aur qanooni karwai ki .
Sufyan ki walida ka kehna tha ke ramadaan ke baad betay ka school mein dakhla karana tha, bachay ke gilaay par dor phree to dupattay se khoon roknay ki koshish ki, hospital muntaqil karne taq Sufyan ki sansen chal rahi theen, police ki Adam mojoodgi ki wajah se hospital ny tibbi imdaad faraham nahi ki .
bachay ke ahl-e-khana ny mutalba kya ke aisay waqeat ki rokkk thaam ke liye aala hakkaam hikmat e amli banayen .
wazeh rahay ke is se qabal bhi patang ki dor phirnay se Karachi ke ilaaqon Liaqat abad, avrngi town aur naazim abad ke atraaf mein kayi bachay zindagi ki baazi haar chuke hain .
