Kaan ka mail depression ka test bn sakta hai
Kaan ka mail depression ka test bn sakta hai, woh din daur nahi jab kaan ke mil jaisi shai ko zehni tanao aur depration mein kaleedi hesiyat haasil hojaye gi. is ki wajah yeh hai ke hamara jism depration ki soorat mein aik hormone’ cartisol’ kharij karta hai aur yeh cartisol kaan ke mil mein jama hokar hamein marz ki shiddat se aagah karsaktha hai .
science danon ka khayaal hai ke is terhan zehni dabao aur is se wabasta amraaz ko shanakht karne mein aasani hosakti hai. lekin is ki ahmiyat yahan khatam nahi hoti balkay kaan ke mil ko dekh kar diabities aur Covid 19 ke khilaaf anti bodies ka jaiza bhi liya ja sakta hai kyunkay un ki barri miqdaar kaan ke mil mein jama hoti rehti hai .
sainda pur-umeed hain ke is terhan kisi maahir ki nigrani ke baghair bhi kaan ke mil ka test ghar baithy injaam diya ja sakta hai .
university college London mein aasabi aloom ke maahir dr ayndrs heeran vives aur un ke sathiyon ne kaha hai ke hai agarchay cartisol ke liye khoon, thook aur pishaab ke test aam hain lekin un se thoray waqfay ke liye depration ka andaza lagaya ja sakta hai jabkay kaan ka test bohat aasaan hai aur koi bhi usay aasani se injaam day sakta hai .
agarchay abhi wasee pemanay par insani azmaish ki zaroorat hai lekin is se cartisol aur depration ki pemaiesh mein inqilab aajay ga aur is se karorron afraad mein marz ki tashkhees aur behtar ilaaj mein madad miley gi. khoon aur thook waghera mein cartisol ki satah kam ya ziyada hosakti hai lekin kaan ke mil mein un ki miqdaar barqarar rehti hai aur yun kam kharch tareeqay se tanao ka darja maloom kya ja sakta hai .
dilchasp baat yeh hai ke dr heeran ne aik aala bhi banaya hai jo kaan saaf karne wali roi lagi teeli jaisa hai. lekin is mein aik rukawat hai jo alay ko kaan mein mazeed andar tak jane nahi deti. is ke kinare par namiati mehlool hai jo kaan se namoonay laita hai .
is ke baad Germany , Bartania aur chali mein usay aazmaaya gaya aur 37 mtalaat kiye gaye. is douran baal aur khoon ke depration test bhi jama kiye gaye. nataij se maloom hwa ke un dono ke muqablay mein cartisol ki barri miqdaar kaan mein hi mojood hoti hai. is terhan yeh kam kharch tareeqa depration ki shanakht aur ilaaj mein inqalabi tabdeeli ki wajah ban sakta hai .
