Jiniyati engineering say gandum ki paidawar mai 11 fesad azafa
Jiniyati engineering say gandum ki paidawar mai 11 fesad azafa, aik taweel arsay baad gandum par tehqeeq ke zimn mein aik achi khabar aayi hai : Bartanwi science daano ne jeneati engineering se istifada karte huay , gandum ki aik aisi nai qisam tayyar karli hai jo mojooda aqsam ke muqablay mein 11 feesad ziyada pedawar day sakti hai .
zaraat ke maidan mein yeh paish Raft is liye bhi ahem hai kyunkay 1950 aur 1960 mein ”sabaz inkalab “ ke baad gandum ki pedawar badhaane mein koi ghayr-maa’mooli kamyabi samnay nahi aaski hai jabkay gandum ki pedawar mein izafah bhi sirf aik feesad salana ke hisaab se ho raha hai .
maazi mein mukhtalif tadabeer ikhtiyar karte huay gandum ki pedawar badhaane ki koshishen amlan nakaam rahi hain : baaz koshisho ke nateejay mein gandum ke danay ki jasamat ziyada hogayi lekin gandum ke har pouday mein ugnay walay daano ki tadaad kam ho gye ؛ jabkay kuch koshisho se gandum ke har pouday mein daano ki tadaad barhai gayi to har dana chhota aur kam wazan hogaya .
york university, Bartania ke professor saymn makween mason ki qayadat mein tayyar ki gayi nai gandum mein nah sirf daano ki jasamat mein izafah kya gaya hai, balkay un ki tadaad bhi barqarar rakhi gayi hai .
reserch journal ”new fontologist “ ke aik haliya shmare mein shaya honay wali is tehqeeq se pata chalta hai ke gandum ki yeh nai qisam nah sirf tayyar karli gayi hai balkay usay khaiton mein aazmaaya bhi ja chuka hai .
khaiton mein ki gayi aazmayshon ( field trials ) mein gandum ki nai qisam ke daano ka ost wazan, mojooda gandum ke muqablay mein 12. 3 feesad ziyada raha jabkay poori fasal ki majmoi pedawar 11 feesad ziyada note ki gayi .
agarchay usay 1960 ke ashray mein norman bore log ke ”sabaz inkalab “ ki terhan koi bara inqilab to qarar nahi diya ja sakta lekin phir bhi mojooda halaat mein ghiza ki musalsal barhti hui talabb ke tanazur mein yeh bilashuba bohat ahem kamyabi hai .
