jawan azm maa ne beti ke sath post graduate ka imthehaan paas karliya
jawan azm maa ne beti ke sath post graduate ka imthehaan paas karliya, cheen ke soobay sachwan se talluq rakhnay wali pachaas sala nurse aur unn ki beti nay aik sath medical ka imthehaan paas kya .
peoples daily chayna ki report ke mutabiq chain ke soobay sachwan se talluq rakhnay wali bayi yongi Nami khatoon nay’ south west medical university’ mein post graduate ke liye dakhla liya .
bayi yongi niji hospital mein guzashta kayi saloon se bator cheif nurse umoor sar-anjaam day rahi hain aur unn ki khwahish thi ke woh bhi degree haasil karlen .
khatoon ke hospital ki intizamia nay unn ki hosla afzai ki
aur bayi yongi ko usi university mein dakhla dlwaya jahan se unn ki Sahebzadi medical ke amthanat day rahi theen .
report ke mutabiq bayi yongi ki Sahebzadi ki Umar pachees baras aur naam lau lau hai. woh aik niji hospital mein bator maahir amraaz atfaal ke tor par umoor sar-anjaam day rahi hain .
mazeed parheen jawaa azm maa, baap aur betay naay aik sath metric karliya
Lulu naay is se pehlay aik baar aur degree haasil karne ke liye dakhla liya magar woh kamyabi haasil nahi kar sakti theen .
bayi yongi ka kehna tha ke’ meri beti ke amthanat decemeber mein they aur woh apni masrofiyat ki wajah se September taq kuch bhi nahi par saki thi, hospital mein kaam ki zayad-ti ki wajah se ussay parhnay ka bilkul waqt nahi milta tha’ .
unhon nay bataya ke’ amthanat mein nakami ke baad Lulu bohat ziyada pareshan hui aur uss ko apna result dekh kar shadeed mayoosi bhi hui thi jis ke baad uss nay dobarah dakhla nah lainay ka iradah kya tha’ .
‘ mein nay uss ki hosla afzai ki aur kaha ke tumhen dobarah dakhla lena chahiye taakay tum imthehaan mein kamyabi haasil karo ,
beti ki himmat bandhnay ke liye mein ne bhi uss ke sath dakhla lainay ka iradah kya magar mulazmat ki wajah se yeh mumkin nahi tha’ .
unhon ne bataya ke’ hum dono maa beti aik hi classe mein baith kar classes letay rahay, university mein Lulu meri hosla afzai karti thi aur phir hum dono raat ko baith din bhar ki parhai ke baare mein baat karte they’ .
yeh bhi parheen chaar jurwan Falasteeni behnoon ki metric ke imthehaan mein shandaar kamyabi
bayi yongi ka kehna tha ke’ aik din woh bhi aaya jab hum ne sath amthanat diye aur phir nataij ka intzaar karne lagey ,
