Faisalabad soobah Punjab ke ilaqay jaranwala mein musafir van par fayrng ke nateejay mein 5 afraad jaan bahaq jabkay 5 zakhmi hogaye .
tafseelaat ke mutabiq Faisalabad ki tehseel jaranwala ke chak 562 mein musafir van par namaloom mulzimaan ne fayrng ki jis ke nateejay mein 5 afraad jaan ki baazi haar gay jabkay 5 afraad zakhmi hogaye .
police ke mutabiq firing ke waqeye mein zakhmi honay walay afraad ko tibbi imdaad ke liye qareebi hospital muntaqil kar diya gaya hai jahan inhen tibbi imdaad di ja rahi hai. police ka kehna hai
ke jaan bahaq honay walay afraad ki laashon ko qanooni karwai ke baad vrsa ke hawalay kya jaye ga .
wazeer e aala Punjab ne jaranwala mein 5 afraad ke qatal ke waqeye ka notice letay hue RPO Faisalabad se report talabb karli. usmaan buzdar ne mulzimaan ki jald se jald girftari ka hukum bhi diya .
yaad rahay ke guzashta mah 10 May ko sheikhupura ke ilaqay khryanwala mein bachon ki larai ke nateejay mein firing se 9 afraad jaan ki baazi haar gaye thay, marnay walon mein khawateen aur bachay bhi shaamil thay .
