immune system behtar bananay ke liye strawberry khayiyae
immune system behtar bananay ke liye strawberry khayiyae duniya bhar mein dil ki bimarion ke baais ensaan zindagi ki baazi haar rahay hain. tibbi mahireen ke mutabiq aksar log –apne trzِ zindagi ki wajah se bhi amrazِ qalb mein mubtala ho rahay hain. Aram talabi, bahar ke khanay aur werzish ya chehal qadmi tark karna bhi dil ki bimarion ki wajah hai. taham qudrat ki nematon mein phalon ki mukhtalif aqsam aisi hain jo hamein dil ke amraaz se mehfooz rakh sakti hain ya un ka khatrah kam se kam hojata hai .
strawberry aisa hi phal hai jo dil ki sahet ko behtar bananay mein madad karta hai. mahireen ke mutabiq is mein mojood elegic acid aur flewainds aisa anti oxidant assar faraham karte hain, jo dil ke liye mufeed saabit hota hai. yeh kharab cholesterol ke un asraat se lartay hain jo sharianon mein khoon gaarha karte hain .
aik tibbi tahaqeeq ke mutabiq strawberry ka ghiza mein istemaal amraaz qalb aur diabities se bhi tahaffuz deta hai .
mahireen ke mutabiq dil ki bimarion se bachney ke liye ziyada se ziyada strawberry istemaal karen .
phalon ki ifadiyat se mutaliq mutadid tahaqeeq se is ke mukhtalif tibbi fawaid saabit hue hain. tibbi mohqiqeen ke mutabiq strawberry mein mojood potassium aur minerals hamaray jism ke mdafati nizaam ko behtar banatay hain .
tibbi mahireen strawberry ko vitamin si ke husool ka behtareen zareya kehte hain. vitamin si jismani difai nizaam ko mazboot aur taaqat war banata hai. mahireen ke mutabiq insani jism is vitamin ko bananay ki salahiyat nahi rakhta aur yahi wajah hai usay ghiza ke zariye haasil karna zaroori hai .
