Hmain Israel ko q tasleem nahi krna chahye?
Hmain Israel ko q tasleem nahi krna chahye, arab emirate ney Israel ko tasleem karliya aur is silsilay mein unhon ney tamam zurori iqdamaat bhi mukammal karliye hain. Israel se boycott ke tamam qawaneen mansookh kardiye gaye hain aur ab Israel aur mutahidda arab emirate ke darmain baqaida kmrshl flayts ka silsila bhi chal nikla hai .
Israel aik sara sar najaaiz riyasat hai aur musalmanoon ke ilaqon par qabza karkay banai gayi hai. is riyasat ke qiyam ke liye lakhoon musalmanoon ka khoon bahaya gaya. jis ki wajah se muslim duniya ney Israel ke sath taluqaat qaim nahi kiye aur usay najaaiz riyasat qarar dete hue usay tasleem karne se inkaar kardiya. lekin rafta rafta baaz muslim mumalik chhootay motay zaati mafadaat ya kisi barray malik jaisay America waghera ki lalach ya dabao mein aakar usay tasleem karte rahay. chand muslim mumalik naay usay tasleem karliya hai jabkay bohat se mumalik naay abhi taq is riyasat ko tasleem nahi kya, jin mein Pakistan sare fehrist hai. chand deegar muslim mumalik bhi Israel ke sath taluqaat qaim karne ke khwahan hain lekin abhi taq aisa koi qadam uthany ki himmat nahi krpaye lekin aik dosray ki dekha dekhi woh yeh kaam karte jarahay hain. Israel ki is najaaiz riyasat ko khalstan nazriati hain .
Pakistan bhi aik nazriati riyasat hai, jis ki nazriati bunyaad sirf aur sirf islam hai. Pakistan ko islam ke naam par wujood mila aur is deen Mateen ke naam par yahan ke bashindon ko azaadi jaisi doulat naseeb hui. is malik ki baqa bhi islami nazriaat ki hifazat karne mein hai. Pakistan ke deegar reyaston ke sath taluqaat ka jaiza liya jaye to un mein bhi nazriya islam karfrma hai aur hum nazriati bunyadon par deegar reyaston se taluqaat ustuwar karte hain. reyaston ke unhi taluqaat mein aik Israel ke sath taluqaat ka maamla bhi hai. Pakistan ne aaj taq Israel ko tasleem nahi kya aur mojooda hukoomat se qabal kisi ney is najaaiz riyasat ko tasleem karne ki guftagu to daur ki baat, kisi ney is baaray mein socha bhi nahi. lekin mojooda hukoomat ke kuch arakeen ney is hawalay se guftagu ki balkay aik khatoon rukan assembly Asima Hadid ney to bermila Israel ko tasleem karne par zor diya aur islami hawalon ko intehai be dardi se toar maror kar paish kya .
behar haal Israel ke sath hamaray taluqaat khalstan nazriati bunyadon par hain. kuch log yeh kehte hain ke hamein Israel ke sath taluqaat qaim kar lanay chahiye kyun ke is se hamein faida hoga. hamein Israel ki bila waja dushmani mol nahi leni chahiye, hamara is ne kya bigaara hai, hamari is se kya dushmani hai? hamein –apne naffa nuqsaan ko dekhte hue is malik se taluqaat ustuwar karne chahiye. is qisam ke aitrazaat ya dalail Israel ko tasleem karne ke hawalay se hamaray mufakreen ki taraf se suneney ko mlitay rehtay hain .
