har din ko hi khawateen ka banayiyae. . .
har din ko hi khawateen ka banayiyae. . ., hamaray khayaal mein waisay to har din hi khawateen ka hota hai, lekin ab riwayat aur rivaaj ne saal ka aik din bilkhushoos khawateen ke naam kar diya hai, to is ko phir aur josh wa-kharosh se manate hain. pehlay zamane mein aurtain sirf bawarchi khanaay mein hi masroof nazar aati theen, lekin is ki wajah yeh bhi thi ke un ko bitanay wala aur un ka sath dainay wala koi nahi hota tha, lekin aaj kal ka zamana to kuch aur hi gun gaata sun-hwa nazar aata hai, ab to bohat se shobo mein mardon se ziyada aurtain taraqqi karti hui nazar aati hain, jo ke bohat achi baat hai, magar is cheez ko kuch khawateen ne ghalat simt mein samjhna shuru kar diya hai ke aurtain mardon ke barabar honi chahiye, yeh to hamaray samaaj ka rivaaj nahi hai, phir yeh maang kyun. .. ?
kher, baat yahan kuch aur ho rahi hai khawateen ke din, yani 8 March ki, agar hum sirf Pakistan ki khawateen ki baat karen, to fehrist kaafi taweel hai, lekin khawateen jo kaam karti hain, un mein sirf woh khawateen nahi hain, jo dafatir waghera mein kaam karti hain, balkay har woh aurat hai, jo –apne –apne dairay mein bohat mehnat karti hai. .. chahay woh maa, behan, baho, saas, beti, nani, dadi. .. algaraz har aurat hamesha –apne aap ko baad mein rakh kar –apne pyaron ko agay rakhti hai, phir chahay, woh maa ho ya saas magar kuch aurton ki wajah se aurton pay aik thappa zaroor laga hai ke aurat, aurat se hasad kiye baghair reh nahi sakti .
jab ke aisa ziyada tar nahi hota. chand ki wajah se poora kunba kyun baatein sunay, kher hum wapas mauzo ki taraf lottay hain. aaj ke zamane dekha jaye, to koi aisi jagah nahi jahan aurat mehnat karti hui nah dikhayi day. .. chahay woh dafatir hon ya koi school ya koi aur zindagi ka shoba, wahan maa –apne bachon ko acha mustaqbil dainay ke liye kaam kar rahi hoti hain ya aik biwi –apne shohar ke sath ghar chalanay ke liye kaam kar rahi hoti hai ya beti –apne walidain ke liye mehnat kar rahi hoti hai .
kuch logon ka to yeh bhi maanna hota hai ke aurtain kamzor hoti hain aur is cheez ko bhi aurton ne bakhoobi ghalat saabit kya. .. pilot aur engineer se le kar cricket, hockey aur baksng waghera tak mein aurton ne kamaal kar dekhaya hai, lekin kuch aurton ne is azadi ko bhi ghalat rukh dainay ki koshish ki hai. . .
har din ko hi khawateen ka banayiyae. . ., ‘ femnisam’ ke naam se jo yeh tehreek chalati hain un ka ziyada tar yeh maanna hota hai ke aurtain mardon ke barabar hain, jab ke yeh baat hamaray mazhab mein is terhan batayi gayi hai ke dono barabar nahi hain mard ka maqam aik darja oopar hai. .. aurat se aur yeh baat un sab ko samajh mein aati nahi hain. .. har din aurat ka hai kyun ke woh har din qurbaniyan deti hai, choti se choti cheez par is liye, un ko wohi izzat deeni chahiye, jis ki woh haq daar hain aur is din un ko aur acha mehsoos karwana chahiye .
