har 15 roz mein aik zubaan ka khtama, hazaron zubano ki madoomi ka

    306
    0
    har 15 roz mein

    har 15 roz mein aik zubaan ka khtama, hazaron zubano ki madoomi ka khatrah

    har 15 roz mein aik zubaan ka khtama, hazaron zubano ki madoomi ka khatrah, aqwam mutahidda ke idaray braay taleem o Saqafat yonisko ke ohdedar ne inkishaaf kya hai ke har 15 roz mein aik zabaan khatam horahee hai, dhai hazaar zabanon ki baqa ko khatraat la-haq hain, andesha hai ke yeh zubanain safha hasti se mit jayen gi .

    maadri zabaan ke aalmi din ke mauqa par ghair mulki khabar-rasan idaray se guftagu karte hue yonisko ke qaumi commission braay turkey ki intizami committee ke sarbarah professor dr ojal  han ka kehna tha ke 21 feb ka din har saal aalmi yom maadri zabaan ke tor par manaya jata hai .

    unhon ne bataya ke is waqt duniya bhar mein 7 hazaar ke qareeb zubanain boli jarahi hain jin mein se dhai hazaar ke khatam honay ke khatraat hain .

    unhon ne kaha hai ke duniya ke mukhtalif hisson mein boli jane wali dhai hazaar zabanon ke bolnay walon ki tadaad har guzarte din ke sath kam horahee hai jis ki wajah se unn zabanon ko khatraat hain .

    professor dr ojal ka kehna tha ke’ har 15 roz mein aik zabaan khatam horahee hai, guzashta das barson ke douran zabanon ka khtama bohat taizi ke sath hwa jis ki barri wajah duniya mein samaji, siyasi aur iqtasadiyan tabdeelian hain’ .

    unhon ne kaha hai ke taqreeban 200 ke lag bhag zubanain aisi hain jinhein bolnay walon ki talaash mushkil ho rahi hai. 1950 se ab tak 250 zubanain safha hasti se mit chuki hain jabkay mazeed ki madoomi ka khatrah hai .

    professor ojal ka kehna tha ke’ is waqt boli jane wali do hazaar 304 zabanon ko istemaal karne walay 90 feesad se zayed insanon ki tadaad 10 hazaar ya phir uss se bhi kam reh gayi hai, jis ki wajah se un zabanon ki aindah naslon tak muntaqili hona bohat mushkil hai’ .