hand pump jis ne zindagi se kuch wusool karne ka dhang sikhaya
hand pump jis ne zindagi se kuch wusool karne ka dhang sikhaya, –apne amritsar ke qiyam ki aik aur baat mein kabhi nahi bhool paaya. master jee ke ghar ke samnay bohat barray khulay aangan mein aik hand pump laga hwa tha jis ko zaroorat hoti woh pump ke handle ko ghuma kar pani nikaal laita .
mein aksar is chakkar mein para rehta, lekin mujh se is mein se pani nah nikala jata. phir meri maa ne mujhe bataya ke is pump se pani nikaalte ke liye yeh zaroori hai ke is mein pehlay aik lota pani dala jaye. aik lota pani daalnay ke baad pani chhupa choup niklny lagta .
jab bhi mujhe master tara singh sahib ke aangan mein lagey is pump ki yaad aati hai to mujhe hamesha yeh ehsas hota hai ke zindagi se kuch wusool karne ka dhang yahi hai ke pehlay zindagi ko apni taraf se kuch diya jaye. bandah pehlay apna hissa dalta hai aur phir zindagi apni sakhavat ke pat khol deti hai .
