hamein achanak meetha khanay ki talabb kyun hoti hai ?
hamein achanak meetha khanay ki talabb kyun hoti hai, kabhi kabhar achanak hamara dil kuch meetha khanay ko chahanay lagta hai, baaz auqaat yeh talabb itni shadeed hoti hai ke hum sab kaam chore kar meetha talshna shuru kardete hain aur usay kha kar hi dam letay hain .
mahireen naay is ki wajah talaash karli hai .
darasal jab hum kisi khaas shai ki bhook mehsoos karte hain to is waqt hamaray jism ko kisi khaas shai ki zrot hoti hai, is waqt hamaray jism ko darkaar madniyaat mein se kisi aik shai ki kami waqay ho rahi hoti hai aur jism is kami ko poori karna chahta hai .
jism is kami ko poora karne ke liye hamein majaboor karta hai aur hum saaray kaam chore kar is khaas shai ki talabb mitanay ki koshish karte hain .
nah sirf meetha balkay aksar auqaat hamara dil bohat shiddat se kuch namkeen, junk food ya tali hui ashya khanay ko bhi chahta hai. yeh sab jism mein kuch madniyaat ki kami ka ishara hota hai .
jahan taq meethay ka sawal hai to is ka talluq khoon mein mojood sugar se hai. jab hamaray khoon mein sugar ki miqdaar kam honay lagti hai, aur kyunkay jism ko tawanai pohanchanay ke liye sugar aik ahem hesiyat rakhti hai to hamara jism hamein alarm deta hai ke fori tor par is zaroorat ko poora kya jaye .
sugar hamaray jism ke liye feul ki hesiyat rakhti hai lekin zurori hai ke is ko poora karne ke liye sahet mand mithaas khayi jaye. usay donuts, cake ya mthayyon se poora karna faiday ke bajaye nuqsaan day sakta hai .
agar yeh kami mustaqil mehsoos ho, yani har waqt ya aksar hamara dil meetha khanay ko chahanay lagey to yeh haypo glicemiya ki nishani hai jis mein khoon mein glucose ki miqdaar kam hojati hai. aisay mein khoraak mein protein ki miqdaar barha dainee chahiye taakay khoon mein sugar ki miqdaar normal level par aasakay .
mahireen tib ki tehqeeq ke mutabiq magnicium dil ki dharkan ko mamool ke mutabiq rakhnay mein madad deta hai aur qouvat mudafat mein izafah karta hai .
is ki kami se nah sirf amraaz qalb aur diabities la-haq honay ka khatrah hota hai balkay be khwabi aur anxiety ki shikayat bhi hosakti hai lehaza mahireen ki tajweez hai ke chocolate ki talabb peda honay ka intzaar nah karen balkay chocolate ko apni mamool ki khoraak ka hissa banayen .
is ke liye rozana thori si dark chocolate kha lena mufeed ho sakta hai .
mahireen ka kehna hai ke jab bhi hamein phal khanay ki talabb hoti hai to yeh koi khush aaind ishara nahi, is ka matlab hai ke hum apni sahet se ghaafil hain aur jism keh raha hai ke usay izafi vitamins, minerals aur anti oxidant ki zaroorat hai .
mahireen ny tajweez di hai ke kami honay ki soorat mein bhi kisi bhi shai Bashmool phalon ka ziyada istemaal nah kya jaye aur aitdaal mein reh khaya jaye .
ilawa azeen un ka yeh bhi kehna hai ke jab bhi hamein kuch khanay ki talabb ho to pehlay aik glass pani piinaa chahiye. hum baaz auqaat –apne dimagh ke signal ka ghalat matlab bhi samajh satke hain .
yun bhi ho sakta hai ke jism ko pani ko zaroorat ho aur hum usay kuch khanay ki talabb samajh bathain, aisay mauqa par pani piinaa hamaray jism ki zaroorat ka sahih taayun karne mein madad deta hai .
