hadsati tor par ijaad honay wala aala jis ne lakhoon afraad ki jaanen bachaiyen
hadsati tor par ijaad honay wala aala jis ne lakhoon afraad ki jaanen bachaiyen, pace maker aik aisa aala hai jo barqi tor par dil ki dharkan aur raftaar ko control karta hai, lekin kya aap jantay hain is pace maker ki ijaad hadsati tor par hui aur yeh ijaad darasal aik aur ijaad mein ki jaany wali ghalti ka nateeja thi ?
sunah 1958 mein aik Amrici engineer Wilsongreat beech insani dil ki dharkan ko sunna aur record karna chahta tha jis ke liye is naay aik machine banai .
lekin Wilson naay is machine mein aik purzey reserter ka ghalat size nasb kardiya, jab yeh machine kaam karna shuru hui to yeh dil ki dharkan ko record karne ke bajaye ulta usay aik barqi dharkan ( tawanai ki aik lehar ) dainay lagi .
tab hi Wilson par inkishaaf hwa ke woh ghalti se aisi machine ijaad kar betha hai jo un afraad ko masnoi dharkan day sakti hai jo amraaz qalb ka shikaar hon .
Wilson naay is machine ki salahiyat ko mazeed jhanchne ke liye kayi kutton par aazmaaya aur har baar machine naay kamyabi se kaam kya .
pace maker kaisay kaam karta hai ?
hamara dil aik pump ki terhan kaam karta hai jo khoon ko jism ki taraf dhkilta hai. dil ki dharkan ki raftaar mein tawazun qaim rakhnay ke liye dil ka qudrati barqi nizaam kaam karta hai .
taham baaz auqaat synotrail nod kharabi ka shikaar hojata hai jis ke baad dil ko masnoi tor par tehreek di jati hai aur yeh kaam pace maker injaam deta hai .
pace maker ki hadsati ijaad se le kar ab taq 6 dahaiyo mein is machine ki wajah se lakhoon afraad ki jaanen bach chuki hain .
