Galliyan denay walay totoan ko park say be dakhal ker dia gya
Galliyan denay walay totoan ko park say be dakhal ker dia gya, Bartania ke aik family safari park se guzashta dinon paanch surmai africi toton ko nikaal bahar kya gaya kyunkay woh nah sirf bohat gaaliyan bikny lagey thay balkay gaaliyan dainay ke baad zor zor se hanstay bhi thay .
khabron ke mutabiq, yeh africi totay 15 augst ke roz is family safari park mein laaye gaye lekin qarantina / lock down ki wajah se yeh park aam logon ke liye band tha, lehaza park ke mulazmeen ne inhen aik kamray mein deegar parindon ke sath rakh diya .
mulazmeen jantay thay ke yeh africi totay insani awazon ki naqal karna bohat jald seekh jatay hain, is liye apni faraghat ka faida uthatay hue woh toton ke samnay gaaliyan bektay aur phir zor zor se hanstay .
un ki dekha dekhi totay bhi aisa hi karne lagey aur yun safari park ke mulazmeen ko aik nai tafreeh mil gayi. chand dinon mein yeh totay barri ravani ke sath khud hi gaaliyan dainay lagey. khaas kar jaisay hi koi insaan un ke samnay aata, un ki chonch se galion bhari aawazian aur phir qehqahey buland honay lagtay .
guzashta haftay yeh safari park mehdood tor par shehrion ke liye khol diya gaya taham abhi tak yahan bachon ke dakhlay par pabandi hai. tafreeh ki gharz se anay walay logon ko dekh kar toton ne mamool ke mutabiq gaaliyan dena aur hansna shuru kardiya .
agarchay is harkat se wahan anay walay logon ko bohat maza aaya lekin park intizamia ko ehsashwa ke aindah chand hafton ke douran jab bachon ko park mein dakhlay ki ijazat miley gi, aur yeh totay un ke samnay bhi gaaliyan day kar hnsin ge, to bachon par is ka bohat bura assar parre ga .
yeh soch kar un toton ko fori tor par safari park se nikaal bahar karkay aik allag group mein rakh diya gaya hai jahan un ki’ ‘ ikhlaqi tarbiyat’ ‘ ki jarahi hai taakay woh gaaliyan dainay ke bajaye kuch aur kehna seekh saken.
